Były palitviazień, biznesmien, siabra kamandy Viktara Babaryki Juryj Vaskrasienski daŭ intervju telekanału ANT. Čamuści dla niedziaržaŭnych ŚMI davać intervju Vaskrasienskamu zabaroniena, a voś na dziaržaŭnym telebačańni i rasijskich kanałach — kali łaska.
Vaskrasienski zapeŭnivaje: nichto nie viedaŭ, što Łukašenka pryjdzie ŭ SIZA. «Tryhieram jaho vizitu ŭ SIZA stała prahrama Marata Markava «Ničoha asabistaha» (tam była hutarka jakraz z Vaskrasienskim — «NN»), paśla jaje jon vyrašyŭ zmahacca za kožnaha hramadzianina».
Były viazień kaža, što Łukašenka vysłuchoŭvaŭ kožnaha z prysutnych.
«Heta byŭ nie manałoh, u asnoŭnym havaryli my, havaryli vielmi svabodna. Kali sustreča zakančvałasia, Łukašenka paprasiŭ mianie padsumavać usie prapanovy, jakija hučali na sustrečy.
Aproč hetaha, Łukašenka paprasiŭ mianie padrychtavać śpis asob, jakim možna źmianić mieru strymańnia, jakija nie tak niebiaśpiečnyja dla hramadstva», — skazaŭ Vaskrasienski.
«Siońnia ja padrychtavaŭ dakładnuju zapisku pa asobach, jakim možna źmianić mieru strymańnia», — padsumavaŭ jon.
Hladzi jašče: Chto taki Juryj Vaskrasienski? Palityčny šlach ad apazicyjaniera da ŭdzielnika inaŭhuracyi Łukašenki i nazad
