Infarmacyju pra toje, što Vital Makiej zvolniŭsia z MZS, «NN» paćvierdziła niekalki nijak nie źviazanych pamiž saboj krynic.

Vital Makiej.

Vital Makiej.

Apošnija try hady Vital Makiej adpracavaŭ u centralnym aparacie MZS. Jon byŭ staršym daradcam upraŭleńnia ŭstojlivaha raźvićcia hałoŭnaha ŭpraŭleńnia šmatbakovaj dypłamatyi.

Da hetaha syn kiraŭnika MZS Uładzimira Makieja papracavaŭ daradcam pa ekanamičnych i ekałahičnych pytańniach u pradstaŭnictvie Biełarusi pry AAN. A jašče raniej byŭ pieršym sakratarom pasolstva Biełarusi ŭ Aŭstryi.

«NN» pasprabavała spraŭdzić hetuju infarmacyju ŭ samoha Vitala Makieja, ale jon adkazaŭ nastupnaje: «Ja ŭstrymajusia ad adkazu. Spadziajusia na vaša razumieńnie».

Pres-sakratar MZS Anatol Hłaz taksama admoviŭsia paćvierdzić ci abvierhnuć hetuju infarmacyju, jon spasłaŭsia na toje, što nikoli nie kamientuje kadravuju palityku viedamstva.

Taksama «NN» stała viadoma, što z pracy syšła namieśnica načalnika słužby dziaržaŭnaha pratakoła, načalnik adździełu vizitaŭ Taćciana Fiedarovič. Jana 23 vieraśnia raźvitvałasia z kalektyvam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?