U sudzie Drahičynskaha rajona 16 vieraśnia prajšło pasiadžeńnie pa spravie karespandenta «Pieršaha rehijona» Siarhieja Hardzijeviča. Na jaho byŭ składzieny pratakoł za abrazu pa zajavie adnaho z kamientataraŭ vajbier-čata. 

U materyjałach spravy jość daviedka ad 9 vieraśnia, padpisanaja ŭčastkovym inśpiektaram milicyi Drahičynskaha RAUS, kapitanam milicyi Iharam Kabryncom. U joj paviedamlajecca:

«Hr-n Hardzijevič Siarhiej Andrejevič, 22.06.1971 h/n, (adras pražyvańnia) ad jaŭki ŭ Drahičynski RAUS admoviŭsia ŭ kateharyčnaj formie, matyvavaŭšy heta tym, što jon admaŭlajecca stasavacca z supracoŭnikami Drahičynskaha RAUS.

Pa najaŭnaj apieratyŭnaj infarmacyi dadzieny hramadzianin źjaŭlajecca aktyŭnym udzielnikam boku, jaki zmahajecca suprać dziejnaj ułady».

Ci admaŭlaŭsia žurnalist ad jaŭki ŭ milicyju? Nie. Siarhiej Hardzijevič admoviŭsia źjaŭlacca ŭ milicyju pa zaprašeńni pa telefonnym zvanku. Pra heta navat nakiroŭvaŭ u pačatku žniŭnia elektronnuju skarhu ŭ RAUS.

Źmiest daviedki prakamientavaŭ juryst Aleh Ahiejeŭ: «Heta hłupstva, jakoje zasłuhoŭvaje ŭklučeńnia ŭ zbornik aniekdotaŭ pra supracoŭnikaŭ siłavych viedamstvaŭ. Takaja daviedka nijakich pravych nastupstvaŭ u farmuloŭkach pra apieratyŭnuju infarmacyju nie sparadžaje (prynamsi, nie pavinna sparadžać)».

Nadzvyčaj redki dakumient Siarhiej Hardzijevič źmiaściŭ u ramačku i paviesiŭ na ścianu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?