Minsk pradstaviŭ ABSIE i Maskvie svoj varyjant urehulavańnia kryzisu, daviedaŭsia RBK. Jon uklučaje ŭ siabie praviadzieńnie kanstytucyjnaj reformy da 2022 hoda, pasłableńnie ŭłady prezidenta na karyść urada i parłamienta i paŭtornyja vybary prezidenta i parłamienta paśla pryniaćcia papravak u Asnoŭny zakon.

Fota Nadziei Bužan

Fota Nadziei Bužan

28 žniŭnia ŭ Vienie na śpiecyjalnym pasiadžeńni Pastajannaha savieta ABSIE, pryśviečanym situacyi ŭ Biełarusi, pradstaŭnik Minska Andrej Łazavik zajaviŭ, što kanstytucyjnaja reforma ŭ krainie budzie praviedziena da 2022 hodzie. Pra heta RBK raspaviali dva surazmoŭcy, jakija bačyli tekst zajavy. Heta, adznačyŭ pradstaŭnik Biełarusi, jaki vystupaŭ pierad savietam ABSIE, adziny sposab pravieści novyja vybary da zakančeńnia piacihadovaha terminu dziejučaha prezidenta. Jon taksama rastłumačyŭ, što ŭłady krainy nie źbirajucca ŭstupać u pieramovy z apazicyjaj, tamu što heta praduhledžvaje dyjałoh ab pieradačy ŭłady. Pa hetaj ža pryčynie Minsk adchiliŭ usie prapanovy ab pasiarednictvie — ułada ŭ krainie stabilnaja, zapeŭniŭ pradstaŭnik Biełarusi.

Andrej Łazavik taksama raskryŭ padrabiaznaści majučaj adbycca kanstytucyjnaj reformy: praces budzie prachodzić u farmacie nacyjanalnaha dyjałohu, budzie zabiaśpiečana libieralizacyja palityčnaj sistemy, častka paŭnamoctvaŭ prezidenta pieradadziena parłamientu. Akramia taho, raspavioŭ jon, budzie źmieniena i partyjnaja sistema — rola partyj padvysicca, buduć uniesieny źmieny ŭ vybarčaje zakanadaŭstva. Usie źmieny buduć pryniatyja na refierendumie, adznačyŭ jon.

Pa słovach krynic RBK, tema daterminovych vybaraŭ prezidenta i parłamienta da 2022 hoda hučała i na pieramovach kiraŭnikoŭ MZS Rasii i Biełarusi Siarhieja Łaŭrova i Uładzimira Makieja ŭ Maskvie 3 vieraśnia. Apošni skazaŭ rasijskamu kalehu, što takim čynam ułady źbirajucca vyjści z palityčnaha kryzisu ŭ krainie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?