Žychary Tarasava (Minski rajon) raźviesili stužki ŭ nacyjanalnych kolerach na miescy, dzie siońnia sprabavali zatrymać staroha čałavieka, jaki malavaŭ aharodžu na ŭjeździe ŭ pasiołak u bieła-čyrvona-biełaje. Čyrvonaja plama na piarednim płanie pieršaha fota — heta nie kroŭ, a raźlitaja farba.

Zdareńnie adbyłosia na skryžavańni daroh na Tarasava i Ratamku. U miascovy čat trapili foty, jak sivy mužčyna maluje aharodžu, a paśla — jak jon lažyć na łuzie, trymajučysia za hałavu, u atačeńni milicyjantaŭ. Paśla da jaho pryjechała chutkaja dapamoha.

Ahułam Tarasava ŭ mnohich miescach raśpisanaje antyłukašenkaŭskimi łozunhami. Jany naniesienyja jak na aharodžach, tak i, asabliva šmat, na roznych darohach vakoł pasiołka na prajeznaj častcy. Akramia taho, sustrakajucca łozunhi z krytykaj na adras AMAPa.

U nacyjanalnyja kolery apranuŭsia i aŭtobusny prypynak. Źvierchu na im nadpis: «My pieramožam!»

Varta nahadać, što ŭ Tarasavie Cichanoŭskaja, pavodle aficyjnaha pratakoła, nabrała 90% hałasoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?