Siońnia ranicaj u kvateru adnaho z redaktaraŭ TUT.BY Haliny Ułasik, sprabavali trapić siłaviki. Paźniej suviaź ź joj źnikła.

Jak paviedamiła kaleham Halina, z ranicy chto-to nastojliva stukaŭ i zvaniŭ u dźviery, ale pakolki jana nikoha nie čakała, jana nie adčyniła dźviery. Susiedzi paviedamili joj, što bačyli la padjezda troch mužčyn u bałakłavach.

Praz paŭhadziny ŭ dźviery znoŭ pačali zvanić. Halina i jaje dačka Valeryja paśpieli paviedamić, što ŭ kvateru sprabujuć trapić siłaviki — u ich jość sankcyja na pieratrus.

U 9.55 dvoje milicyjantaŭ vyvieli Valeryju Ułasik, pasadzili ŭ mašynu i pavieźli, jana paśpieła paviedamić, što jaje zatrymali pavodle administracyjnaha pracesu pavodle art 23.34 KaAP (udzieł u niesankcyjanavanaj akcyi) i pavodle padazreńnia ŭ kryminalnaj spravie ab masavych biesparadkach.

U kvatery prajšoŭ pieratrus, pryjechaŭ advakat. Jak paźniej stała viadoma, u siłavikoŭ niama pretenzij da Haliny Ułasik, padazravanaj pa kryminalnaj spravie prachodzić jaje dačka.

Atrymać kamientar u MUS nie ŭdałosia. U SK paviedamili, što ŭ ich infarmacyi pa hetaj nahody pakul niama. U Hienprakuratury nie zmahli apieratyŭna dać infarmacyju ab tym, na jakoj padstavie vydavałasia sankcyja prakurora na pieratrus.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?