Telekanał «Biełaruś 1» u svaim telehram-kanale paviedamiŭ, što Anton Radniankoŭ i Ivan Kraŭcoŭ «hetaj nočču źbiehli za miažu».

«Ciapier jany znachodziacca na terytoryi Ukrainy. Ich kaleha Maryja Kaleśnikava sprabavała niezakonna pakinuć terytoryju Respubliki Biełaruś, ale była zatrymanaja na miažy» — havorycca ŭ paviedamleńni.

U Dziaržpamiežkamitecie nie zmahli paćvierdzić hetuju infarmacyju, paŭtaryŭšy, što pamiežny kantrol prajšli ŭsie troje.

Ukrainskija ŚMI spasyłajucca ŭ svaju čarhu na infarmacyju Pamiežnaha kamiteta Biełarusi.

Nahadajem, ranicaj 7 vieraśnia nieviadomyja ludzi ŭ centry Minska pasadzili Maryju Kaleśnikavu ŭ mikraaŭtobus z nadpisam «Suviaź» i pavieźli ŭ nieviadomym kirunku. Taksama na suviaź pierastali vychodzić pradstaŭniki Kaardynacyjnaj rady Anton Radniankoŭ i Ivan Kraŭcoŭ. Paźniej stała viadoma, što ŭ kvatery Ivana Kraŭcova supracoŭniki DFR KDK praviali pieratrus.

Uviečary rodnyja Maryi Kaleśnikavaj padali ŭ milicyju zajavu ab jaje źniknieńni. U milicyi zajavu pryniali.

Клас
0
Панылы сорам
0
Ха-ха
0
Ого
0
Сумна
0
Абуральна
0