Akciory Nacyjanalnaha akademičnaha teatra imia Maksima Horkaha padtrymali svaich kaleh z Kupałaŭskaha teatra i apublikavali svoj adkryty list, piša Tut.by.

My, členy kalektyvu Nacyjanalnaha akademičnaha dramatyčnaha teatra imia Maksima Horkaha, jak i ŭvieś biełaruski narod, vykazvajem hłybokuju zakłapočanaść situacyjaj, jakaja skłałasia ŭ krainie.

Zaklikajem nieadkładna spynić biesprecedentnyja akty hvałtu i prynižeńnia čałaviečaj hodnaści z boku supracoŭnikaŭ siłavych struktur u dačynieńni da mirnych hramadzian. Nastojvajem na nieadkładnym pryciahnieńni da adkaznaści asob, jakija niepasredna prymali ŭdzieł u niepravamocnych zatrymańniach, katavańniach, źbivańniach, a taksama asob, jakija niepasredna kiravali ich dziejańniami i jakija addavali złačynnyja zahady. Nastojvajem na nieadkładnym razhladzie ŭsich zajaŭ i skarhaŭ, padadzienych u orhany pravaparadku. Ličym niedapuščalnym akazvać cisk na ludziej, jakija adkryta vykazvajuć svaju hramadzianskuju pazicyju abo prymajuć udzieł u mirnych akcyjach pratestu.

Nastojvajem na abjektyŭnym aśviatleńni ŭ srodkach masavaj infarmacyi padziej, jakija adbyvajucca ŭ krainie. Ličym niedapuščalnym skažeńnie praŭdy, pierakručvańnie i tendencyjnuju padaču tekstaŭ.

Vykazvajem salidarnaść z našymi kalehami —kalektyvam Nacyjanalnaha akademičnaha teatra imia Janki Kupały. Razbureńnie najstarejšaha tvorčaha kalektyvu, jaki źjaŭlajecca fłahmanam biełaruskaj teatralnaj kultury i sapraŭdnym nacyjanalnym zdabytkam, ličym niedapuščalnym.

Клас
Панылы сорам
Ха-ха
Ого
Сумна
Абуральна