Zatrymańnie na Płoščy Niezaležnaści ŭ Minsku. Fota: Tut.by.

Zatrymańnie na Płoščy Niezaležnaści ŭ Minsku. Fota: Tut.by.

U Minsku i inšych haradach Biełarusi 26 žniŭnia praciahvajucca zatrymańni ŭdzielnikaŭ mirnych akcyj pratestu, projduć sudy nad zatrymanymi napiaredadni hramadzianami, paviedamlajuć pravaabaroncy.

Učora ŭ Minsku administracyjnym aryštam byŭ pakarany Jahor Litvinka za ŭdzieł u niesankcyjanavanym masavym mierapryjemstvie. Byŭ zatrymany 24 žniŭnia, źmieščany ŭ Centr izalacyi pravaparušalnikaŭ na 7 sutak.

Staršyni strajkavaha kamiteta Minskaha zavoda kołavych ciahačoŭ Alaksandru Łaŭrynoviču dali 10 sutak administracyjnaha aryštu. Pra heta paviedamiŭ jaho advakat.

— Jaho abvinavačvajuć pavodle častki 1 i 2 artykuła 23.34 (parušeńnie paradku arhanizacyi abo praviadzieńnia masavych mierapryjemstvaŭ) Kodeksa ab administracyjnych pravaparušeńniach. Heta za ŭdzieł u mitynhu 23 žniŭnia i za toje, što jon na terytoryi zavoda źbiraŭ podpisy i pravodziŭ niezakonnyja schody, — raspaviadaje advakat. — Ciapier jon znachodzicca na Akreścina.

Viečaram supracoŭniki AMAPa žorstka razahnali ŭdzielnikaŭ akcyi pratestu. Častku ludziej — kala sta čałaviek - - hvałtoŭna ŭtrymlivali ŭ Čyrvonym kaściole. Pravaabaroncam pastupaje infarmacyja pra zatrymanych. Pakul viadoma pra niekalkich pratestoŭcaŭ.

Śpis zatrymanych na płoščy Niezaležnaści:

Anton Ułasienka;

Anton Šybanaŭ;

Alaksandr Bajbak;

Alaksiej Supraniuk;

Anton Šaŭlikaŭ;

Andrej Jemialjanaŭ;

Pavieł Kavalenka;

Pavieł Dzienisovič;

Arciom Łysakoŭski;

Artiom Śviatasłavavič;

Dzianis Sačyšyn;

Hleb Reut;

Ihnat Kirejeŭ,  20.12.1988 naradžeńnia.

Paviedamlajecca, što zatrymanych dastavili ŭ RUUS Savieckaha rajona Minska.

Na niekatory čas u Minsku błakavaŭsia internet pa zahadzie ŭładaŭ.

Sud Pieršamajskaha rajona Minska

Zatrymanyja 25 žniŭnia kala płoščy Niezaležnaści ŭ Minsku Ivan Curanaŭ i Alaksiej Saryčaŭ atrymali 8 i 10 sutak aryštu adpaviedna. 

Sud Maskoŭskaha rajona Minska

Spravu H. Vałčeckaha razhladaje sudździa T. Motyl. Sud pa skajpie. 25 žniŭnia prymaŭ udzieł u niesankcyjanavanym mitynhu ŭ Minsku (art 23.34 KaAP). Vinu pryznaje. Pastanova — 8 sutak aryštu.

Taksama ŭ hetym sudzie razhladajucca administracyjnyja spravy Ihara Sinkaŭca, Hieorhija Piaščanskaha, A. Isačanka, Ja. Kožyča i A. Brodskaha.

Spravu Hieorhija Piaščanskaha, ijeramanacha mužčynskaha Spasa-Praabraženskaha manastyra, razhladaŭ sudździa S. Kacer. A 17:00 Piaščanski vyjechaŭ z klaštara, a 19:00 zajšoŭ u firmu pa prodažy kvitkoŭ, pajšoŭ čakać aŭtobus, jaki pavinien pryjści a 22:00. Pryjšoŭ da aŭtobusa ŭ 21:50. U aŭtobus zaskočyli chłopcy i schapili jaho. Pryvieźli ŭ Maskoŭski RUUS. Pastanova - 7 sutak aryštu.

Sudździa Małašenka razhladała spravu Jana Kožyča. Pastanova - 9 sutak aryštu.

Sud Savieckaha rajona Minska

Pryznačany razhlad spravy Ihara Abrubava, zatrymanaha ŭ Minsku 25 žniŭnia.

Salihorsk

U Salihorsku ranicaj 26 žniŭnia supracoŭniki milicyi zatrymali pravaabaroncu BCHK Leanida Marchotku. Ludzi ŭ cyvilnym čakali jaho na vulicy, schapili, pasadzili ŭ aŭtamabil i źvieźli ŭ nieviadomym nakirunku. Stała viadoma, što na Marchotku skłali pratakoł za nibyta parušeńnie paradku praviadzieńnia mitynhu (art. 23.34 č. 1) i adpuścili da suda. Sud adbudziecca siońnia ŭ 14:15. Pasiadžeńnie adkrytaje, usie žadajučyja mohuć jaho naviedać i padtrymać Leanida. Pa słovach Marchotki, pry zatrymańni milicyja pavodziła siabie vielmi karektna. Pastanova - štraf 25 bazavych vieličyń.

Hrodna

U Horadni za ŭdieł u «niezakonnym masavym mierapryjemstvie» 26 žniŭnia asudžany da vypłaty štrafu ŭ pamiery 135 rubloŭ siabra Biełaruskaj chryścijanskaj demakratyi Jaŭhien Dudkin. Jahonyja kalehi Dźmitryj Sadoŭski i Leanid Dziskaviec aštrafavanyja na 270 rubloŭ kožny, Vasil Kanančuk na 675 rubloŭ, paviedamlaje Radyjo Svaboda.

Hramadskaha aktyvista, siabra BCHD Siarhieja Vieramiejenku vyklikali na dopyt u jakaści śviedki ŭ miascovaje ŭpraŭleńnie Śledčaha kamiteta dla «praviadzieńnia śledčych i pracesualnych dziejańniaŭ».

Jak stała viadoma Hrodna.life 25 i 26 žniŭnia ŭ pravaachoŭnyja orhany ŭ jakaści śviedak vyklikali niekalki čałaviek: Siarhiej Vieramiejenka, u kramie jakoha 25 žniŭnia byŭ pieratrus; Uładzimir Prudnikaŭ, Dzianis Švyrkin, Uljana Laskievič, Dźmitryj Bandarčuk, Ježy Hryhienča, a taksama žurnalisty Alaksiej Kajrys, Ihar Remzik i Siarhiej Ludkievič. 27 žniŭnia źjavicca ŭ Śledčy kamitet pavinien taksama Siarhiej Vialička.

Sprava zaviedziena pavodle artykuła 342 KK Biełarusi — «Arhanizacyja i padrychtoŭka dziejańniaŭ, što hruba parušajuć hramadzki paradak, abo aktyŭny ŭdzieł u ich». Jaho rasśleduje Śledčy kamitet pa Hrodzienskaj vobłaści.

Viciebsk

Siońnia ŭ Viciebsku ŭ rajonie hadziny dnia na praśpiekcie Budaŭnikoŭ byli hvałtoŭna zatrymanyja troje ŭdzielnikaŭ Łancuhu salidarnaści. Adnaho ź ich kličuć Andrej Viačasłavavič Drobyšaŭ. Proźviščy jašče dvuch — nieviadomyja.

Masty

Siońnia kala 9 ranku ŭ Mastach u kvateru Viktara Carykieviča pryjšli z vobšukam supracoŭniki milicyi, paśla čaho jaho zabrali ŭ miascovy RAUS.

Žodzina

U Žodzinskim haradskim sudzie razhladajecca administracyjnaja sprava ŭdzielnika akcyi pratestu Andreja Hrabko.

U druhoj pałovie dnia ŭ Žodzina zatrymali Dźmitryja i Juliju Krupu (muž i žonka).

Baranavičy

U domie Tamary Patockaj (davieranaja asoba Śviatłany Cichanoŭskaj) zaraz pravodzicca pieratrus, paviedamlaje jaje muž. Sama Tamara adsutničaje, u dačynieńni da jaje sudździa vynosiła pryvod u milicyju ŭ ramkach art.17.1 KaAP.

Dobruš

Tut siońnia byŭ zatrymany ŭdzielnik učarašniaj akcyi pratestu Stanisłaŭ Mazačaŭ. Jaho dastavili ŭ miascovy RAUS, vierahodna dla składańnia pratakołu. 

U Vaŭkavysku zatrymany Alaksandr Navasad. Padstava — udzieł učora ŭ mitynhu.

Biaroza

Biarozaŭskija milicyjanty skłali siońnia pratakoł administracyjnaha pravaparušeńnia pa art 23. 34 KaAP RB na žurnalistku Tamaru Ščapiotkinu, zrabiŭšy jaje arhanizataram i ŭdzielnicaj Marša ŭ pamiać zakatavanych, jaki adbyŭsia ŭ Biarozie 23 žniŭnia. Pra pratakoł žurnalistka daviedałasia, kali išła pa horadzie, dzie jaje dahnali milicyjanty i prapanavali padpisać pratakoł.

Клас
0
Панылы сорам
0
Ха-ха
0
Ого
0
Сумна
0
Абуральна
0