Były dyrektar Kupałaŭskaha teatra i siabra prezidyuma Kaardynacyjnaj rady Pavał Łatuška prakamientavaŭ apošnija padziei vakoł teatra.

«Niama dziaržavy, niama krainy, niama nacyi biez svajoj kultury. Jak kazaŭ Maksim Harecki, teatr — chram nacyjanalnaha adradžeńnia.

Zvalnieńnie akcioraŭ i supracoŭnikaŭ Kupałaŭskaha — heta nie paraza naroda, nie paraza nacyi, heta paraza tych, chto nie ŭmieje słuchać, nie ŭmieje čuć.

Možna prymusić maŭčać, ale spynić dumki — niemahčyma.

Heta niby sproba pastavić na kaleni Biełaruskuju kulturu.

Hramadzianski ŭčynak Kupałaŭcaŭ demanstruje hodnaść biełaruskaha naroda i kaža, što honar być biełarusam - najvialikšaja kaštoŭnaść.

Kupałaŭcy nie zdradzili tradycyjam, nie zdradzili sumleńniu.

Źviartajusia da ŭsioj biełaruskaj hramadskaści: davajcie razam skažam na ŭsiu Biełaruś, na ŭvieś śviet: My — Kupałaŭcy! I my abaviazkova vierniemsia!» — skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0