U Varšavie prajšła narada premjera Matevuša Maravieckaha z pradstaŭnikami ŭsich parłamienckich partyjaŭ Polščy. Pa vynikach sustrečy Maraviecki zajaviŭ, što pa pytańni Biełarusi na polskaj palityčnaj scenie dasiahnuty kansensus, piša Wyborcza:

— Biełaruś pavinna być niezaležnaj, svabodnaj i demakratyčnaj dziaržavaj. I padčas sustrečy my pahadzilisia, što našyja dziejańni pravilnyja. Svabodnaja Biełaruś — heta častka polskich nacyjanalnych intaresaŭ.

U pieršuju čarhu Polšča kancentrujecca na dapamozie represavanym dy ich siemjam, spraščeńni vizavaha režymu, asabliva dla studentaŭ.

Maraviecki taksama nahadaŭ, što ŭžo niekalki biełaruskich dziejačaŭ zmahli skarystacca sproščanym ujezdam u Biełarusi. Polšča razvažaje mahčymaść stvareńnia płatformy dystancyjnaha navučańnia dla biełaruskich studentaŭ, jakich adličyli ź biełaruskich univiersitetaŭ praź ich hramadzianskuju pazicyju.

Premjer-ministr Polščy ŭ čarhovy raz zaklikaŭ biełaruskija ŭłady vyzvalić palitviaźniaŭ, u pryvatnaści Matevuš Maraviecki ŭzhadaŭ zatrymanych čalcoŭ Kaardynacyjnaj Rady.

Padčas pieramovaŭ kiraŭnika ŭrada i polskaj apazicyi zakranałasia taksama tema polskaj mienšaści ŭ Biełarusi. Premjer Maraviecki zajaviŭ, što abmierkavaŭ stanovišča palakaŭ u Biełarusi sa Śviatłanaj Cichanoŭskaj.

Клас
0
Панылы сорам
0
Ха-ха
0
Ого
0
Сумна
0
Абуральна
0