Fota Nadziei Bužan

Fota Nadziei Bužan

Pra heta zajaviŭ siońnia žurnalistam staršynia Kanstytucyjnaha suda Piotr Mikłaševič, piša BIEŁTA.

«Kanstytucyja nie praduhledžvaje mahčymaści stvareńnia hramadskich orhanaŭ i arhanizacyj, pravamocnych pierahladać vyniki prezidenckich vybaraŭ.

Tamu stvareńnie Kaardynacyjnaj rady, jakaja vyznačyła svajoj metaj pierahlad vybaraŭ prezidenta Biełarusi nie ŭ paradku, vyznačanym Kanstytucyjaj i vybarčym zakanadaŭstvam, źjaŭlajecca niekanstytucyjnym.

Kanstytucyjny sud źviartaje ŭvahu, što ŭsim hramadzianam, subjektam hramadska-palityčnych adnosin nieabchodna vykonvać režym kanstytucyjnaj zakonnaści. Heta daść mahčymaść efiektyŭna procidziejničać lubym sprobam destabilizavać situacyju ŭ krainie, niehatyŭna paŭpłyvać na stabilnaść i suvierenitet dziaržavy, mir i zhodu ŭ našym hramadstvie», — skazaŭ Piotr Mikłaševič.

«Biełaruski narod źjaŭlajecca adzinaj krynicaj dziaržaŭnaj ułady i pravamocny ŭ formach i miežach, vyznačanych Kanstytucyjaj, prymać udzieł u farmiravańni dziaržaŭnaj ułady. Na minułych vybarach 9 žniŭnia biełaruski narod vykazaŭ svajo volevyjaŭleńnie i vybraŭ prezidentam Biełarusi Alaksandra Łukašenku», — dadaŭ Piotr Mikłaševič.

Staršynia KS padkreśliŭ: «Na kanstytucyjnym uzroŭni i ŭ adpaviednaści z vybarčym zakanadaŭstvam vyznačany dva orhana, jakija pravamocnyja razhladać pytańni, źviazanyja z asprečvańniem vynikaŭ vybaraŭ, pryznańniem ich niesapraŭdnymi i vyrašać inšyja sprečki ŭ vybarčym pracesie. Heta Centralnaja vybarčaja kamisija i Viarchoŭny sud».

Клас
0
Панылы сорам
0
Ха-ха
0
Ого
0
Сумна
0
Абуральна
0