Karusielščykaŭ, što jeździać pa Minsku z čyrvona-zialonymi ściahami i pieśniaj «Sania ostanietsia s nami», z hańbaju vypravadzili ź mikrarajona Kaskad.

Hety rajon kala mietro Maładziožnaja byŭ arenaj atak na demanstrantaŭ 9—11 žniŭnia.

Ahitkałonu tut čakała fijaska. Ludzi stali kryčać na ich z bałkonaŭ i śvistać, a adzin žychar zabłakavaŭ im ruch svaim aŭtamabilem. Jany byli vymušanyja vyklučyć pieśniu pra Saniu. Tym časam źbiehlisia padletki.

Tady hałaŭny aŭtamabil kinuŭsia na abjezd pa tratuary. A kali vyrvaŭsia z atačeńnia, paviarnuŭ u parušeńnie znaku «Tolki naprava».

Usio heta trapiła na videa, jakoje stała chitom miascovych čataŭ.

Raniej stała viadoma, što ŭ hetaj aŭtakałonie jeździać pieravažna supracoŭniki Vajennaj akademii. Jeździć kałona pieravažna ŭ pracoŭny čas, kruhami.

Svajo videa z takoj mašyny apublikavaŭ taksama hiendyrektar chakiejnaha kłuba «Dynama», hulec chakiejnaha kłuba prezidenta Dźmitryj Baskaŭ. Na im jon pje harełku z rylca:

Bolšaść mašyn u kałonie jeździła biez numaroŭ abo z zaklejenymi numarami. Choć heta parušeńnie pravił darožnaha ruchu, DAI na takoje nie reahavała.

Клас
0
Панылы сорам
0
Ха-ха
0
Ого
0
Сумна
0
Абуральна
0