Pra niezvyčajny vypadak paviedamlaje miascovaje vydańnie vdobrushe.by.
Kiroŭca taksi Alaksandr kaža, što za piać hadoŭ pracy heta pieršy vypadak, kali pasažyru pryjšłosia akazvać pieršuju dapamohu i prymać dla hetaha ekstrannyja miery.
Zamova pastupiła z ahraharadka Žhuń. Žančyna paviedamiła, što joj treba jechać u dobrušskuju palikliniku da doktara na ahlad. U razmovie paskardziłasia na boli ŭ vobłaści žyvata. Kali jana padyšła da mašyny, Alaksanr pabačyŭ, što žančyna na vialikim terminie ciažarnaści.
U darozie pasažyrcy stała horš, jana paprasiła jechać chutčej. Taksi ruchałasia z uklučanaj avaryjnaj sihnalizacyjaj pa sustrečnaj pałasie, inšyja transpartnyja srodki sastupali darohu. Abyšłosia biez zdareńniaŭ.
Dajechali da balnicy, nasustrač vybiehli miedrabotniki. Jany i vyrašyli prymać rody ŭ pacyjentki prosta ŭ mašynie. Alaksandr pry hetym choć i nie prysutničaŭ, ale ščyra pieražyvaŭ za vyniki, stojačy pobač z aŭtamabilem.
Navat čas źjaŭleńnia dziciaci na śviet zapomniŭ: 12 hadzin 7 chvilin.