Avaryja, nahadajem, adbyłasia dniom 17 lutaha 2019 hoda ŭ Ružanach na vulicy Kosaŭskaj.
63-hadovy kiroŭca na MAZie vioz biarviony da miesca razhruzki ŭ Ivacevičy. Jon razahnaŭsia da 50 km/h pry maksimalna dapuščalnaj na ŭčastku darohi chutkaści 40 km/h. Pryčep pierakuliŭsia, biarviony palacieli na abočynu, tam išli dźvie žančyny z kalaskaj. U vyniku šaścimiesiačnaja dziaŭčynka, jakaja znachodziłasia ŭ kalascy, i jaje babula zahinuli na miescy, a maci trapiła ŭ balnicu.
Sud Pružanskaha rajona 26 červienia razhledzieŭ hramadzianskuju spravu pavodle pazovu da AAT «Ivacevičydreŭ» ab spahnańni hrašovaj kampiensacyi maralnaj škody. U zajavie pazoŭniki prasili sud spahnać maralnuju škodu z pradpryjemstva jak uładalnika krynicy pavyšanaj niebiaśpieki.
Sud zadavoliŭ pazoŭ na 217 500 rubloŭ. Rašeńnie suda nie abskardžana i ŭstupiła ŭ zakonnuju siłu 20 lipienia, paviedamlaje «Bresckaja hazieta».
