Alaksandr Sukorski, jaki zahinuŭ
U noč z 24 na 25 lipienia śledča-apieratyŭnaja hrupa pracavała na terytoryi ahrasiadziby ŭ Salihorskim rajonie, dzie była kanstatavana śmierć 35-hadovaha žychara Słucka, piša «Infa-Kurjer».
Mužčyna napiaredadni adpačyvaŭ na terytoryi ahrasiadziby. Bližej da paŭnočy, znachodziačysia pablizu hulniavoha aŭtamata Rocky Boxer u stanie ałkaholnaha apjanieńnia, jon upaŭ razam z aparatam. U vyniku čaho mužčyna atrymaŭ traŭmy, ad jakich pamior na miescy zdareńnia.
Blizkija zahinułaha ŭ hutarkach raspaviali, što ŭsio zdaryłasia na viasielli, jakoje hulali na ahrasiadzibie ŭ Salihorskim rajonie. Mužčyna byŭ hościem.
Niaščasny vypadak adbyŭsia ŭžo paśla źniaćcia velumu ŭ niaviesty, kali ŭsia aficyjnaja prahrama śviata była faktyčna zavieršana — prykładna ŭ 00:15.
U zahinułaha zastalisia 7-hadovy syn i paŭhadovaja dačka.
