Analny korak i žanočy eratyčny kaścium-sietka — straty minskaha seks-šopa «Evalucyja» paśla vizitu złodziejaŭ. Jaho ŭłaśnicy Ała Pirumava i Kamiła Žybula napisali zajavu ŭ milicyju.
«Incydent zdaryŭsia ŭviečary 22 lipienia. Na źmienie była naša pradavačka Alaksandra, — raskazvaje Ała Pirumava. — U kramu zajšli dźvie žančyny, praviali ŭ nas kala hadziny. Cikavilisia absalutna roznym tavaram, prasili padrabiaznuju kansultacyju, tym samym adciahvajučy ŭvahu adna ad adnoj.
Uvieś hety čas jany nie prosta stajali kala vitryn, a pastajanna chadzili, zadavali pytańni. Kupili, darečy, dva probniki łubrykantaŭ. Raźličylisia najaŭnymi, tamu ich dadzienych nie zastałosia. A pradavačcy paprostu zahavorvali zuby».
«U tym, što jany cyhanki, sumniavacca nie davodzicca: smuhlavaja skura, ciomnyja vočy, čornyja vałasy i vidavočnyja «cyhanskija» rysy tvaru. Adna ź ich była ciažarnaja. Jana prychodziła da nas užo nie ŭpieršyniu: niejak trapiła i da mianie na źmienu, chacieła «pavaražyć», abiacała, što ciažarnaja cyhanka nikoli nie padmanie», — praciahvaje Ała.
Pry hetym, pa słovach Ały, na žančynach nie było stereatypnaha adzieńnia: adna była apranuta ŭ čyrvonuju sukienku pa stanie da kalena, druhaja — u štany i kurtku.
«Źnik nie tolki analny korak — razam ź im prychapili jašče i eratyčny kaścium-sietku, — dadaje dyrektarka. — Nie vielmi akuratna adkryŭšy ŭpakoŭku, dastali i panieśli. Pradavačka paśla ich sychodu ahledzieła palicy i ŭbačyła niastaču. A sam korak naohuł śmiešna skrali: miašočak z-pad jaho padkłali pad susiedni, kab my nijak heta nie zaŭvažyli. Vielmi znachodliva.
Korak, viadoma, nie zrobleny z zołata, a prosta załatoha koleru. Darečy, jaho košt — 35 rubloŭ. Kaściuma — 58 rubloŭ».
Reakcyja na niezvyčajny kradziež u milicyjanieraŭ była absalutna adekvatnaja: žančyn vysłuchali, pryniali zajavu i skazali praz 10 dzion čakać list ź infarmacyjaj.
«My stavimsia da situacyi z humaram, bo kradziež sapraŭdy vielmi śmiešny. Skrali b korak inšaha koleru — było b nie tak viesieła. Ale zołata, zołata!» — padsumoŭvaje Ała.
