U kamandavańni ŭkrainskaj Apieracyi Abjadnanych sił raskazali detali pra zahinuŭšaha miedyka Mikałaja Iljina, piša BBC News Ukrajina. Nahadajem, Iljin — biełarus, jaki źjechaŭ z krainy ŭ 2006 hodzie, staŭ hramadzianinam Estonii i vajavaŭ na baku Ukrainy.
Ukrainskija vajskoŭcy raskazali, što cieły zahinuŭšych na momant pieradačy ŭkrainskaj evakuacyjnaj hrupie mieli niezvarotnyja trupnyja źmieny, jakija mohuć śviedčyć pra toje, što ich trymali ŭ morhu.
A sami zahinułyja byli biez svajoj vajskovaj formy. Akramia taho, cieła vajennaha miedyka Mikałaja Iljina razrezali.
«Akramia taho, vyśvietlić, ź jakoj zbroi byŭ zabity vajenny miedyk pa vynikach sudmiedekśpiertyzy było niemahčyma, tamu što paškodžanyja orhany i kostki, a taksama zabojnyja elemienty byli kanfiskavanyja pradstaŭnikami rasijska-akupacyjnych vojskaŭ u morhu Horłaŭki na časova akupavanaj terytoryi Danieckaj vobłaści», — paviedamili ŭkrainskija vajskoŭcy.
