Uładalnik kramy Symbal.by Pavał Biełavus zajaviŭ, što krama apłacić usie štrafy ludziam, jakija stajali ŭ čarzie ŭ kramu i byli aštrafavanyja. Dalejšy los kramy pakul nieviadomy, piša Svaboda.
23 lipienia prajšli sudy nad zatrymanymi ŭ čarzie ŭ kramu Symbal.by.
Jak paviedamiŭ Svabodzie zasnavalnik kramy Pavał Biełavus, usie štrafy krama apłacić.
«Ludzi vykazali salidarnaść z nami, my nie mahli ich pakinuć sam-nasam z hetaj historyjaj. My pierakananyja, što ich absalutna niezakonna zatrymali i aštrafavali. My raniej kazali, što častku srodkaŭ ad prodažu stykieraŭ salidarnaści my budziem nakiroŭvać na dapamohu ludziam. Praz hetuju formu ŭdałosia sabrać srodki. My ŭžo apłacili štraf ad padatkovaj: za niapravilnuju pieravozku cišotak — try tysiačy rubloŭ», — skazaŭ Pavał Biełavus.
Ciapier krama budzie źviartacca ŭ milicyju, kab viarnuli kanfiskavanyja cišotki.
«Nakont pretenzij ratavalnikaŭ čarhovy sud čakaje kramu ŭ paniadziełak [27 lipienia], a 24 lipienia pryjduć inspektary, kab aznajomicca, ci my vypravili parušeńni. My spadziajomsia, što pretenzii da nas na hetym skončacca, kali nie — to heta budzie śviedčyć pra palityzavanaść spravy», — upeŭnieny Pavał Biełavus.
