Niekalki ekipažaŭ DAI pieraśledavali 21 lipienia lehkavik na trasie M1, u jakim znachodzilisia padazravanyja ŭ sieryi kradziažoŭ, paviedamlaje MUS.
Aŭtamabil Peugeot u vyniku spyniŭsia ŭ adnoj ź viosak Dziaržynskaha rajona. Kiroŭca i pasažyr pabiehli ŭ roznyja baki. Adnak sproba akazałasia niaŭdałaj: pravaachoŭniki zatrymali žycharoŭ stalicy i Minskaha rajona 45 i 40 hadoŭ.
Napiaredadni pahoni mužčyny abakrali kvateru ŭ Baranavičach. Z saboj jany zabrali niekalki załatych vyrabaŭ, $650, 170 polskich złotych i 50 rubloŭ. Inśpiektary pasta DAI atrymali aryjenciroŭku dla zatrymańnia padazravanych.
Padčas pahoni parušalniki pačali vykidvać vykradzienaje i pryłady złačynstva z voknaŭ mašyny. Apieratyŭnikam udałosia znajści vykradzienaje.
0
0
0
0
0
0
