Viarchoŭny sud nie staŭ zavodzić hramadzianskuju spravu pa skarhach Viktara Babaryki na rašeńnie CVK nie rehistravać jaho kandydatam u prezidenty. Hetuju infarmacyju sb.by paviedamiła aficyjny pradstaŭnik Viarchoŭnaha suda.

Fota Nadziei Bužan.

Fota Nadziei Bužan.

Skarhi ŭ sud na pastanovu Centrvybarkama Viktar Babaryka padpisaŭ 17 lipienia. Jon prasiŭ pryznać pastanovu CVK niezakonnaj, nieabhruntavanaj i abaviazać Centralnuju kamisiju zarehistravać jaho ŭ jakaści kandydata ŭ prezidenty krainy.

U č. 5 art. 68-1 Vybarčaha kodeksa skazana, što «asoba, jakaja vyłučana kandydatam u Prezidenty Respubliki Biełaruś, moža abskardzić rašeńnie Centralnaj kamisii ab admovie ŭ rehistracyi kandydatam u Prezidenty Respubliki Biełaruś u trochdzionny termin z dnia pryniaćcia rašeńnia». Rašeńnie CVK pryniata 14 lipienia. Heta značyć termin dla padačy skarhi, na dumku suda, skončyŭsia 16 lipienia, a Babaryka skarhu padpisaŭ na dzień paźniej. Choć kopija pastanovy CVK była atrymana na nastupny dzień paśla admovy, h.zn. 15 lipienia, a nie 14.

U suviazi z hetym spravu zavodzić nie stali.

Клас
Панылы сорам
Ха-ха
Ого
Сумна
Абуральна