Namieśnika hiendyrektara Skidzielskaha cukrovaha kambinata zatrymali siłaviki. Padrabiaznaści ŭ efiry prahramy «Pryčyny i śledstva» na «Radyjo Minsk» raskazała aficyjny pradstaŭnik Śledčaha kamiteta Julija Hančarova.
Jak raspaviali ŭ SK, u Hrodnie 8 lipienia pry atrymańni chabaru zatrymali adnaho z kiraŭnikoŭ hetaha pradpryjemstva. 1950 rubloŭ pieradavali mužčynie za spryjalnaje vyrašeńnie pytańniaŭ, jakija ŭvachodziać u jaho kampietencyju. U pryvatnaści, hety kiraŭnik adkazvaŭ na kambinacie za nabyćcio i pierapracoŭku cukrovych burakoŭ i syrca. Zatrymali pradstaŭnika pradpryjemstva na miescy złačynstva.
Padazravanamu vystaŭlena abvinavačańnie ŭ atrymańni chabaru (č. 1 art. 430 KK). Jaho ŭziali pad vartu.
— Varta adznačyć, što hetaja kryminalnaja sprava nijak nie źviazana z «cukrovaj spravaj», jakaja zaraz znachodzicca ŭ vytvorčaści Kamiteta dziaržaŭnaj biaśpieki, — padkreśliła Hančarova.
