U Mahilovie prachodzić sud nad Siarhiejem Cichanoŭskim. Spravu razhladaje sudździa Alena Litvina Leninskaha rajona ŭ budynku abłasnoha suda, piša Tut.by

U pratakole paznačana, što Siarhiej parušyŭ zakon Ab masavych mierapryjemstvach: udzielničaŭ u niedazvolenym harvykankamam pikiecie 27 maja ŭ Mahilovie padčas zboru podpisaŭ za kandydata ŭ prezidenty Śviatłanu Cichanoŭskuju.

Sud idzie pa videasuviazi — Siarhiej Cichanoŭski znachodzicca ŭ SIZA № 1 Minska. U kadry vidać, što jon znachodzicca ŭ kletcy ŭ maleńkim pakoi. Jon mocna schudnieŭ, ale hołas badziory. Praces pačaŭsia sa spaźnieńniem.

Słuchańnie adkrytaje, ale prachodzić u nievialikaj zale, a prysutničać na im zachacieli kala 30 čałaviek, jakija vyrašyli padtrymać Cichanoŭskaha. Jany ŭhavorvali supracoŭnika milicyi, sudździu pravieści pasiadžeńnie ŭ bolšaj zale, kab Cichanoŭski «bačyŭ, što jon nie adzin». Milicyjant na heta adkazaŭ, što «niama techničnaj mahčymaści».

U vyniku ŭ zale suda, akramia sudździ, sakratara i advakata, prysutničajuć žurnalisty, niekalki słuchačoŭ, supracoŭniki milicyi.

U pratakole paznačana, što 27 maja, prykładna z 17 da 19, pry praviadzieńni pikieta pa zbory podpisaŭ za Śviatłanu Cichanoŭskuju kala HC «Atryum» Siarhiej pryniaŭ aktyŭny ŭdzieł u niesankcyjanavanym harvykankamam pikietavańni, vykarystaŭ ŭzmacnialnik. Hetym i parušyŭ zakon ab masavym mierapryjemstvie.

Na pytańnie sudździ Cichanoŭski adkazaŭ, što vinu nie pryznaje.

Jon chadajničaŭ ab pieranosie sudu, tamu što jon «navat nie viedaŭ, što budzie sud». Pa słovach Siarhieja, jaho nie apaviaścili naležnym čynam pra słuchańni. Jon taksama zajaviŭ pra maralny cisk na jaho ŭ SIZA. Skazaŭ, što ŭ jaho praviali poŭny pieratrus, prymusili raspranucca pry šaści supracoŭnikach i pry hetym skazali, što ŭ jaho zaraz budzie słuchańnie.

Sudździa Litvina chadajnictva adchiliła. Jana zajaviła, što sud naležnym čynam apaviaściŭ jašče 21 lipienia ŭsich udzielnikaŭ pracesu: śviedak, advakata, samoha Cichanoŭskaha. I prapanavała Siarhieju pahutaryć z advakatam — dała na heta 15 chvilin.

Cichanoŭski zajaviŭ, što žadaje aznajomicca ​​z materyjałami spravy, pahladzieć videazapis, jaki da jaje dałučany. Na heta sudździa skazała, što materyjały spravy buduć abvieščanyja padčas słuchańnia.

Paśla pierapynku ŭ sudzie dapytali śviedkaŭ — inśpiektara DPS DAI Arcioma Rodźkina i inśpiektara prafiłaktyki Leninskaha RAUS Mahilova Alaksandra Tamašova. Cichanoŭski zapiarečyŭ sudu, što jon pavinien aznajomicca ​​z materyjałami spravy, kab zadavać pytańni śviedkam, ale sud heta praihnaravaŭ.

Inśpiektar DAI Rodźkin raspavioŭ u sudzie, što patrulavaŭ horad pa maršrucie, u tym liku prajazdžaŭ mima HC «Atryum», što bačyŭ tam vialikuju kolkaść ludziej, bačyŭ mužčynu ź miehafonam, čuŭ, što jon kazaŭ «Stop, tarakan» — fortki ŭ słužbovaj mašynie byli adkryty, tamu što pravodziŭ prafiłaktyčnyja hutarki z parušalnikami PDR. Tak było i z kiroŭcam, jaki parušyŭ praviły darožnaha ruchu i pryparkavaŭsia na prypynku. Rodźkin skazaŭ, što jon razmaŭlaŭ z kiroŭcam, kali da jaho padyšoŭ mužčyna ź miehafonam — Cichanoŭski. Jon dałučyŭsia da razmovy, patrabavaŭ u inśpiektara słužbovaje paśviedčańnie. Nijakaha fizičnaha ŭździejańnia na jaho nie akazvali, jak skazaŭ Rodźkin, «chutčej, psichałahičnaje».

Adkazvajučy na ​​pytańni abaroncy i Cichanoŭskaha, inśpiektar skazaŭ, što nie pamiataje, kab čuŭ niecenzurnuju łajanku ad kahości.

Inśpiektar prafiłaktyki Leninskaha RAUS Alaksandr Tamašoŭ skazaŭ, što išoŭ pa słužbie ŭ adździaleńnie pošty praz płošču pierad «Atryumam». Ubačyŭ tam šmat ludziej, bačyŭ i stały, za jakimi źbirali podpisy. I ŭbačyŭ mužčynu ŭ mascy z nadpisam «Kraina dla žyćcia» — Cichanoŭskaha, — jaki razmaŭlaŭ ź ludźmi, u tym liku kazaŭ niešta ŭ mikrafon na videakamieru.

Inśpiektar kaža, što čuŭ, jak Cichanoŭski kazaŭ u hučnahavaryciel «Stop, tarakan!», «Žyvie Biełaruś», «pieradavaŭ tapak, ź jakim ludzi fatahrafavalisia».

Siarhiej Cichanoŭski spytaŭ inśpiektara, chiba nie pavinien jon pry pravaparušeńni adreahavać — zrabić zaŭvahu. I kali pravaparušeńnie było, to čamu inśpiektar nie zrabiŭ zaŭvahu, inakš jon, vychodzić, nie vykanaŭ słužbovyja abaviazki. Abo pravaparušeńnia nie było? Inśpiektar adkazaŭ, što prosta staŭ vypadkovym śviedkam, u jaho byli inšyja słužbovyja zadačy i jon bačyŭ tam supracoŭnikaŭ DAI.

Fota: Anžalika Vasileŭskaja, TUT.BY

Fota: Anžalika Vasileŭskaja, TUT.BY

U sudzie abviaścili materyjały spravy. Ź ich viadoma, što DAI nakiravała ŭ Leninski RAUS list ab niesankcyjanavanym mierapryjemstvie, što ŭ asnovu abvinavačvańnia lahło dvuchhadzinnaje videa ź jutub-kanała «Kraina dla žyćcia». Jaho hladziać u sudzie amal u poŭnym abjomie — pra heta paprasiŭ Cichanoŭski.

Padčas prahladu adna z žančyn, jakaja prysutničała na pracesie, vykryknuła «Siarhiej, my z taboj!», pieraprasiła i vyjšła z zali. Da hetaha sudździa stroha sačyła za tym, kab vykonvałasia cišynia i nichto nie zdymaŭ fota i videa. Navat zapatrabavała prybrać mabilnyja telefony.

Śledam za žančynaj jašče niekalki čałaviek vyhuknuli «Siarhiej, my z taboj!», «Stop, tarakan!» i vyjšli. Sudździa paprasiła ŭsich słuchačoŭ vydalicca z zały za parušeńnie.

Pa rašeńni suda, Siarhiej Cichanoŭski atrymaŭ 15 sutak aryštu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?