Pra heta jon zajaviŭ siońnia na naradzie z kiraŭnictvam ekanamičnaha błoka krainy, piša BIEŁTA.

Kiraŭnik dziaržavy źviarnuŭ uvahu adkaznych asob, u tym liku Administracyi prezidenta, na nieabchodnaść nadavać bolš pilnuju ŭvahu pracy na infarmacyjnym poli: «Viadoma, mianie ździŭlaje ŭ apošni čas praca Administracyi prezidenta, pres-sakratara, dy, dumaju, i Natalla Ivanaŭna [Kačanava] mahła b na heta pilniej pahladzieć».

Pry hetym havorka idzie nie tolki pra internet, ale i pra tradycyjnyja ŚMI, naprykład, haziety.

«Pahladzicie na papiarovyja ŚMI. Ja siońnia ŭziaŭ usie haziety, pahladzieŭ na tak zvanuju «Kamsamolskuju praŭdu» ŭ Biełarusi. Užo chutka ŭ žaŭciznu pieratvorycca.

Ci bačycie, kiraŭnik ich, siedziačy ŭ Maskvie, nie toje ŭ Kramli, vystupiŭ z zajavaj, i pačałasia tendencyjnaja padača infarmacyi, — adznačyŭ Łukašenka. — Niachaj pajeduć u pole, dzie siońnia idzie sapraŭdy bitva, baraćba za ŭradžaj. Niebyvały ŭradžaj na palach siońnia staić. Zdymicie, raskažycie, sfatahrafujcie kambajniera-tysiačnika.

Raskažycie ab hetych prostych ludziach-rabaciahach, jakija kormiać krainu. Usio ž zaŭtra pabiahuć u kramy, hetyja pisaki, kab kupić kavałak chleba sabie, rodnym, blizkim, dzieciam».

Alaksandr Łukašenka zapatrabavaŭ ad adkaznych asob vykonvać svaje abaviazki, a nie čakać tych ci inšych śpiecyjalnych ukazańniaŭ. «Słuchajcie, my haspadary ŭ hetaj krainie. Vykonvajcie svaje abaviazki. Nie možacie — skažycie, što vy nie možacie. Buduć inšyja hetym zajmacca», — skazaŭ biełaruski kiraŭnik.

«Dy i va ŭradzie ŭ nas, Ministerstvie zamiežnych spraŭ usie siadziać, čakajuć kamandy prezidenta. Što heta za staŭleńnie da krainy? Bi-bi-si, «Svaboda», «Svabodnaja Jeŭropa» i hetak dalej, strymy hetyja… Ja ŭžo nie kažu pra tendencyjoz, jany ž zaklikajuć da masavych biesparadkaŭ. Čamu vy heta cierpicie? Vy ž ich akredytavali tut», — zaŭvažyŭ kiraŭnik dziaržavy.

Jon źviarnuŭ uvahu na nieabchodnaść prymać u padobnych vypadkach adpaviednyja miery, niahledziačy na pieradvybarčy pieryjad:

«Nie treba čakać nijakaha kanca elektaralnaj kampanii. Vydvarajcie adsiul, kali jany nie vykonvajuć našy zakony i kličuć ludziej na majdany».

«Paŭtarać bolš nie budu, niahledziačy na toje, što my ŭvajšli ŭ hety składany elektaralny pieryjad. Heta ž nie sprava — za abrazaj abraza. Niachaj mianie tam vypackali ŭzdoŭž i ŭpopierak. Užo nakinulisia na ni ŭ čym nie vinavatych staršyniaŭ učastkovych kamisij. A ŭ ich ža siemji, dzieci», — dadaŭ Alaksandr Łukašenka.

Клас
Панылы сорам
Ха-ха
Ого
Сумна
Абуральна