president.gov.by
«Ja ŭžo papiaredziŭ: my nikomu ničoha nie zabaraniajem, kudy zaŭhodna jedźcie, ale pa viartańni ŭ krainu siadziecie na karancin za svoj košt. Z usimi vynikajučymi nastupstvami», — skazaŭ Łukašenka na naradzie pa pytańniach ekanomiki ŭ čaćvier.
Pavodle jaho słoŭ, u krainie stvorany idealnyja ŭmovy dla adpačynku. «Treba chacia b daviedacca, što takoje Narač, Brasłaŭskija aziory, Biarezinski zapaviednik, Biełaviežskaja pušča, pabyvać na Dniapry, Prypiaci, Niomanie, Sožy, što takoje Paleśsie pahladzieć. Cudoŭnyja miescy. I ja ŭpeŭnieny, što ŭ nastupnym hodzie, kali budzie ŭsio vielmi dobra ŭ śviecie, pałova nie pajeduć za miežy krainy i buduć adpačyvać tut. I heta tańniej abydziecca», — ličyć Łukašenka.
«U nas stvorany ŭsie ŭmovy dla paŭnavartasnaha i biaśpiečnaha adpačynku. Tamu raju: pabieražycie siabie, rodnych i blizkich», — dadaŭ kiraŭnik dziaržavy.