Łukašenka pravodzić siońnia naradu z kiraŭnictvam ekanamičnaha błoka krainy, paviedamlaje BiełTA.

Jon zajaviŭ, što baraćba z karanavirusam užo abyšłasia biudžetu amal u paŭmiljarda rubloŭ, ale čałaviek važniejšy za hrošy.

Taksama Łukašenka skazaŭ, što klučavaja zadača dla orhanaŭ ułady ŭ tym, kab biahučyja składanaści, vyklikanyja roznymi abstavinami, nie pieranosilisia na ludziej.

«Siońnia my spynimsia na troch samych značnych pytańniach, jakija pastajanna znachodziacca na kantroli ŭ hramadstva, — zarobki, zaniataść i ceny. Ja ŭvažliva vyvučyŭ usie statystyčnyja i apieratyŭnyja źviestki, mierkavańni i nastroi ludziej, — skazaŭ Łukašenka. — Niejkich asablivych, ašałamlalnych vynikaŭ i pośpiechaŭ u hetaj pracy pakul nie ŭbačyŭ».

Što datyčycca pytańniaŭ zaniataści, to kiraŭnik dziaržavy kanstatavaŭ adsutnaść surjoznych prablem. «U cełym trahizmu niama. Nam udałosia nie dapuścić katastrofy — skačka ŭ jamu biespracoŭja, jak heta adbyłosia navat u našych susiedziaŭ. Mienavita katastrofy, bo navat u samych mocnych dziaržaŭ śvietu nie chapiła nazapašanaha zapasu tryvałaści, kab zachavać spakoj u hramadstvie, — adznačyŭ Alaksandr Łukašenka. — Adnak zaniataść u ekanomicy pavinna zabiaśpiečvacca ŭstojlivaj i efiektyŭnaj pracaj pradpryjemstvaŭ, a nie tym, što jany časam štučna ŭtrymlivajuć ludziej».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?