Prahres u adnosinach Maskvy i Vašynhtona praktyčna niemahčymy ŭ ciapierašniaj palityčnaj situacyi. Pra heta zajaviŭ namieśnik dziaržsakratara ZŠA Styvien Bihan padčas pasiadžeńnia Kamiteta sienata pa zamiežnych spravach, piša rbc.ru.
Adkazvajučy na pytańnie pra pryčyny niadaŭnich sankcyj ZŠA suprać rasijskaha pradprymalnika Jaŭhienija Pryhožyna i źviazanych ź im kampanij, Bihan skazaŭ: «Kroki, pryniatyja nami ŭ dačynieńni da Rasii niadaŭna, — heta prosta častka zachadaŭ u adkaz suprać daŭniaj madeli pavodzinaŭ [Rasii], jakaja robić praktyčna niemahčymym dla nas dasiahnieńnie prahresu ŭ stasunkach z rasijanami».
15 lipienia Ministerstva finansaŭ ZŠA ŭniesła ŭ sankcyjnyja śpisy troch rasijanan i piać kampanij, źviazanych z Pryhožynym. Adnu ź ich, pieciarburhskuju «M Inviest», u Vašynhtonie ličać prykryćciom dla pryvatnaj vajennaj kampanii Vahniera, jakaja dziejničaje ŭ Sudanie. Samoha Pryhožyna ZŠA ŭnieśli ŭ sankcyjnyja śpisy ŭ 2016 hodzie.