Učora paśla adkryćcia novaj palikliniki ŭ Homieli Łukašenka niečakana padyšoŭ da žycharoŭ Homiela — tyja abstupili jaho ščylnym kołam i stali zadavać pytańni. Da adnaho z maładych mužčyn z natoŭpu Łukašenka navat źviarnuŭsia pa imieni, nazvaŭ jaho Ženiem. Tut.by znajšoŭ Jaŭhiena Silčanku, i jon raskazaŭ pra toje, jak Łukašenka ŭčora pažartavaŭ.
— Adkul vaša imia viadoma prezidentu?
— Hetaje pytańnie nie ŭźnikła b, kali b dziaržSMI pakazali ŭsiu karcinu taho, što adbyvajecca. Kali ja paklikaŭ prezidenta i jon padyšoŭ, ja pradstaviŭsia i raskazaŭ pra siabie. Tamu jon i źviartaŭsia potym pa imieni, ale heta vyrazali, jak i mnohaje inšaje.
— Naprykład?
— Nu naprykład, jak ja raskazaŭ Łukašenku pra toje, što napisaŭ list Lidzii Jarmošynaj i zaprasiŭ jaje ŭ Navabielicki rajon, kab jana pahladzieła na našy dziciačyja placoŭki i inšaje i ŭbačyła, što nie ŭsio tak radasna. Na što jon adkazaŭ: «Ženia, jana ž nie zajmajecca dziciačymi placoŭkami, jana zajmajecca falsifikacyjaj vybaraŭ».
