Zahruzku paliva ŭ reaktar na pieršym błoku Biełaruskaj AES płanujecca pačać u žniŭni, paviedamiŭ dyrektar Departamienta pa jadziernaj enierhietycy Minenierhietyki Biełarusi Vasil Paluchovič siońnia padčas anłajn-kanfierencyi «Mirny atam u Biełarusi: vyhady i pierśpiektyvy», piša BiełTA.
«Ciapier my staim na parozie histaryčnaj padziei dla našaj krainy: Respublika Biełaruś u najbližejšy čas ustupić u kłub dziaržaŭ ź jadziernaj enierhietykaj. Heta jakasnaje źmianieńnie našaj enierhasistemy, budzie ŭviedziena enierhakrynica na jadziernym palivie, jakaja budzie zabiaśpiečvać 40% spažyvańnia elektraenierhii ŭ krainie. U žniŭni my płanujem pačać važny etap — zahruzku jadziernaha paliva ŭ reaktar i pierachod da fizičnaha pusku, a paśla i da enierhietyčnaha pusku», — skazaŭ Vasil Paluchovič.
