Fota: Biełaruskaja čyhunka
Ad 24 lipienia novy dyziel-ciahnik pačnie kursiravać pa maršrucie Hrodna — Minsk — Hrodna, piša BiełTA.
Šaścivahonny dyziel vyrableny polskaj kampanijaj PESA Bydgoszcz SA. Jon pastupiŭ na Biełaruskuju čyhunku ŭ 2020 hodzie.
Novy ruchomy sastaŭ DP6 adpaviadaje sučasnym patrabavańniam biaśpieki ruchu i kamfortu. U DP6 jość 311 stacyjanarnych miescaŭ dla siadzieńnia, u tym liku 25 miescaŭ pieršaha kłasa.
Kanstrukcyjnaja chutkaść ruchu ciahnika — 140 km/h.
Prastorny sałon abstalavany miakkimi kresłami z rehulavańniem śpinki i padłakotnikaŭ, infarmacyjnaj aŭdyjo- i videasistemaj dla pasažyraŭ. Usie miescy zabiaśpiečanyja indyvidualnymi razietkami dla padzaradki hadžetaŭ, taksama ŭ dyziel-ciahniku jość Wi-Fi. U sałonie majecca šmatfunkcyjanalnaja zona dla pieravozki pasažyraŭ z abmiežavanymi fizičnymi mahčymaściami, pasažyraŭ ź dziciačymi kalaskami, rovarami i bujnym bahažom.
Kožny vahon abstalavany kandycyjanieram, panižanaja padłoha i dźviery z vysoŭnymi prystupkami robiać pasadku chutkaj i zručnaj.
Try pary takich ciahnikoŭ užo kursirujuć sa śniežnia 2019 hoda pa maršrucie Minsk — Viciebsk.
