Va ŭkrainskim Łucku pravaachoŭniki zatrymali mužčynu, jaki ad ranicy ŭtrymlivaŭ zakładnikaŭ u aŭtobusie. Paciarpiełych niama.
Złačyniec byŭ zachopleny padčas šturmu aŭtobusa śpiecpadraździaleńniem SBU. Padčas śpiecapieracyi hučali vybuch i stralanina.
Usiaho było vyzvalena 13 zakładnikaŭ.
Kiraŭnik MUS Ukrainy Arsien Avakaŭ zajaviŭ, što zatrymali saŭdzielnikaŭ terarysta.
Apieracyja pa vyzvaleńni zakładnikaŭ praciahvałasia hadzinu.
Šturm i vyzvaleńnie zakładnikaŭ adbylisia praź ličanyja chviliny paśla taho, jak prezident Ukrainy Uładzimir Zialenski vykanaŭ patrabavańnie terarysta i zapisaŭ videazvarot sa słovami, jakija patrabavaŭ złačyniec. Adrazu paśla šturmu videa było vydalena.
