Alaksandr Łukašenka adznačaje nieabchodnaść zrabić maksimum dla taho, kab u nastupnaj piacihodcy dadatkova pavysić dabrabyt hramadzian, piša BiełTA.
Alaksandr Łukašenka źviarnuŭ uvahu, što Homiel i vobłaść majuć samyja ciesnyja suviazi adrazu ź dźviuma krainami — Rasijaj i Ukrainaj. «Treba hetym karystacca — ad prodažu sielskahaspadarčaj techniki da pastaŭki praduktaŭ charčavańnia», — kankretyzavaŭ Łukašenka.
Kiraŭnik dziaržavy, u pryvatnaści, adznačyŭ, što ŭ vyniku prociepidemičnych mier va Ukrainie prykładna na piatuju častku skaraciłasia vytvorčaść u sielskaj haspadarcy. «Z-za taho, što izalavali ludziej i jany praktyčna svoječasova nie pasiejali. I ŭ hety dobry hod u ich vielmi mocny spad. Nu padstaŭcie plačo. Jany ž płaciać za heta. Pradajcie tudy sielskahaspadarčuju pradukcyju, pradukty charčavańnia. Jany buduć u canie», — skazaŭ Łukašenka.
Jon źviarnuŭ uvahu i na toj fakt, što, pavodle prahnozaŭ AAN, u najbližejšy čas da miljarda čałaviek u śviecie buduć haładać: «Značyć, nielha kidać sielskuju haspadarku. Pradukty charčavańnia buduć u canie. I ŭsio, što źviazana ź sielskaj haspadarkaj».
