Suprać udzielnika telehram-kanała «Armija z narodam» raspačata kryminalnaja sprava 5

U Minsku praciahvajecca pieraśled udzielnikaŭ telehram-kanała «Armija z narodam», paviedamlajuć pravaabaroncy.

Siońnia, 21 lipienia, milicyja zatrymała Siarhieja Koršuna i Siarhieja Łukjanava (u Łukjanava prachodzić vobšuk). Pry hetym 29 červienia milicyja ŭžo prychodziła da Łukjanava z-za kanała «Armija z narodam». Tady jaho zatrymali, a na nastupny dzień asudzili na 50 bazavych vieličyń (1350 rubloŭ) pa art. 23.4 i 23.5 KaAP. 

Znajomaja Siarhieja Łukjanava paviedamiła, što suprać jaho zaviali kryminalnuju spravu pa č. 1 art. 342 KK RB (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak). Pa stanie na 16:30 jon znachodzicca ŭ Śledčym kamitecie.