Government.by
Eks-ministra architektury i budaŭnictva Dźmitryja Mikulonka pryznačyli pieršym namieśnikam staršyni Minskaha harvykankama. Pra heta paviedamlaje Tut.by sa spasyłkaj na telehram-kanał telekanała ANT.
Raniej hetuju pazicyju ŭ Minharvykankamie zajmaŭ Fiodar Rymašeŭski.
Sa žniŭnia 2018-ha da 4 červienia 2020-ha Mikulonak kiravaŭ ministerstvam architektury i budaŭnictva. Pisałasia, što za čas jaho kiraŭnictva, jak minimum, u Biełarusi byli pryniatyja novyja, bolš prahresiŭnyja budaŭničyja normy.
Dźmitryj Mikulonak naradziŭsia ŭ 1973 hodzie. Prajšoŭ šlach ad inžyniera, majstra pa budaŭnictvie, z 2004 pa 2006 hod byŭ hałoŭnym śpiecyjalistam UKB Minharvykankama, zatym — namieśnikam dyrektara UKB pa budaŭnictvie Nacyjanalnaj biblijateki. Z 2011 hoda da taho, jak staŭ ministram architektury i budaŭnictva, kiravaŭ UKB Minharvykankama.
