19 lipienia vadałazy dastali z voziera Sialec cieła 22-hadovaha vypusknika Vajskovaj akademii, paviedamili TUT.BY u Bresckim abłasnym saviecie Asvoda.
Na voziery Sialec adpačyvała kampanija z Baranavičaŭ. Troje chłopcaŭ adpłyli na nadzimanym matracy bližej da centra vadajoma i stali nyrać. Dvoje ź ich papłyli da bieraha, a adzin zastaŭsia. Nieŭzabavie jon pačaŭ tanuć. Kali maładyja ludzi zaŭvažyli, što ich tavaryš syšoŭ pad vadu, jany kinulisia na dapamohu, ale znajści siabra im nie ŭdałosia. Cieła maładoha čałavieka na hłybini 2,5 mietra vyjavili na nastupny dzień vyratavalniki.
19 lipienia pry padobnych abstavinach zahinuŭ 29-hadovy žychar Łuninca. Ź siabrami jon adpačyvaŭ na karjery ŭ vioscy Vialikija Čučavičy, jaki zabaronieny dla kupańnia. Padčas piknika małady čałaviek vyrašyŭ pierapłyści karjer. Pa darozie nazad jon syšoŭ pad vadu. U toj ža dzień jaho cieła sa dna dastali ratavalniki.
