Pra heta paviedamiła ŭ fejsbuku mieniedžarka prajekta Valancina Andrejeva:

«Bank jasna adkazaŭ: sabranyja na vydańnie knihi hrošy vydaviectvu nie pieraličać. Tamu prosim vas bolš nie pieravodzić hrošy na vydańnie knihi». 

11 červienia rachunki kampanii «ChajvProdžekt», jakaja zajmajecca prajektami «Vulej» i MolaMola, byli zabłakavanyja. 13 lipienia Biełhazprambank adkazaŭ vydaviectvu, što navat u vypadku paśpiachovaha zaviaršeńnia zboru srodkaŭ raźličycca z vydaviectvam budzie niemahčyma.

Zboram hrošaj knihi «100 maniet VKŁ» zajmałasia vydaviectva «Technałohija». Na 15 lipienia z zamoŭlenych 10 900 rubloŭ fundatary sabrali 7400. Aŭtary alboma — daśledčyki numizmatyki Dźmitryj Hulecki i Mikałaj Daraškievič.

Čytajcie taksama: U Maskvie vychodzili hrošy z «Pahoniaj»

«My vielmi ŭdziačnyja tym, chto sabraŭ dla vydańnia takuju sumu. Ale na siońnia my prosta paprasili ludziej bolš nie finansavać vydańnie, — patłumačyła «Našaj Nivie» Valancina Andrejeva. — Prajekt budzie niepaśpiachovy, i bank prosta viernie fundataram hrošy na kartki (heta zakładziena ŭ našaj damovie)».

Valancina raskazvaje, što ŭvosień zbor płanujuć pačać znoŭ. Mahčyma, fundataram prapanujuć rabić pieradzamovy na sajcie «Technałohii».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?