Siońnia ranicaj minčuk u domie na vulicy Hrybajedava vykinuŭ z akna 24-ha paviercha sabaku, svaju paŭtarahadovuju dačku, a paśla saskočyŭ sam. Padrabiaznaści trahiedyi paviedamlaje Śledčy kamitet.
Ustanoŭlena, što 34-hadovy žychar Minska znachodziŭsia doma razam sa svajoj małaletniaj dačkoj. U niejki momant mužčyna sabraŭ rečy svajoj byłoj sužycielki i padpaliŭ ich u vannym pakoi. Paśla hetaha jon uziaŭ svaju paŭtarahadovuju dačku i sabaku, ź jakimi nakiravaŭsia na ahulny bałkon 24-ha paviercha. Spačatku mužčyna skinuŭ z bałkona sabaku, a paśla toje ž samaje zrabiŭ z dačkoj. Zatym minčuk skončyŭ žyćcio samahubstvam, saskočyŭšy ŭniz.
Zhodna z papiarednie atrymanaj infarmacyjaj, hetyja dziejańni mahli być učynieny na hlebie kanfliktu z 29-hadovaj byłoj sužycielkaj, jakaja i źjaŭlajecca maci dziciaci.
Pieršapačatkova SK paviedamlaŭ, što trahiedyja adbyłasia ŭ domie na vulicy Repina — adbyłosia heta z-za taho, što damy raźmieščany adzin nasuprać adnaho i ŭ ich ahulny dvor.
Pryznačany sudova-miedycynskija ekśpiertyzy.
Zaviali kryminalnuju spravu pa p. 2 č. 2 art. 139 (zabojstva zaviedama małaletniaj) KK.
