29 červienia pryblizna ŭ 12 hadzin u Babrujski RAUS pastupiła paviedamleńnie ab tym, što ŭ vadajomie niedaloka ad rajcentra vyjaŭlenaja pieraviernutaja aŭtamašyna Nissan, paviedamlaje MUS.
U sałonie mašyny byli znojdzieny cieły čaćviarych mužčyn (usie žychary Babrujska 52, 41, 38 i 34 hadoŭ). Siarod zahinułych — supracoŭnik adździeła milicyi Pieršamajskaha rajona Babrujska i supracoŭnik Akademii MUS. Abodva znachodzilisia nie na słužbie.
Ciapier na miescy zdareńnia pracujuć supracoŭniki milicyi, śledčyja, ekśpierty i ratavalniki. Vyśviatlajucca abstaviny zdareńnia i pryčyny śmierci paciarpiełych.
0
0
0
0
0
0
