Siezon Nacyjanalnaj baskietbolnaj lihi adnovicca 30 lipienia z udziełam 22 kamand (usiaho ŭ NBA hulaje 30 kłubaŭ). Matčy buduć prachodzić na troch placoŭkach u spartyŭnym kompleksie Dyśnieja ŭ Arłanda.

U pieršy hulniavy dzień «Ńju-Arlean Pielikans» zhulaje z «Jutaj Džaz», a «Łos-Andželes Lejkiers» — z «Klipiers».

Akramia 16 kamand, jakija znachodzilisia ŭ zonie płej-of na momant prypynieńnia siezona, u restarcie voźmuć udzieł «San-Antonia Śpiors», «Vašynhton Uizards», «Portlend Trejł Błejziers», «Novy Arlean Pielikans», «Finiks Sans» i «Sakramenta Kinhz».

«Hołden Stejt» i «Kliŭlend» — finalisty 2015—2018 hadoŭ — u restart siezona nie traplajuć.

Kožny kłub praviadzie jašče pa vosiem matčaŭ u rehularnym pieršynstvie dla vyznačeńnia vynikovaj tablicy. Start płej-of zapłanavany na 17 žniŭnia.

Rehularny čempijanat NBA byŭ spynieny ŭ siaredzinie sakavika

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?