pixabay.com
Pres-sakratar prezidenta Rasii Dźmitryj Piaskoŭ nazvaŭ zamiežnych lidaraŭ, što, jak čakajecca, pryjeduć u Maskvu na parad u honar 75-hodździa Pieramohi 24 červienia, paviedamlaje «Radyjo Svaboda».
U śpisie ŭsiaho 7 kiraŭnikoŭ krain-členaŭ AAN. Heta prezidenty Biełarusi, Kazachstana, Kyrhyzstana, Małdovy, Sierbii, Tadžykistana i Uźbiekistana. Taksama pryjeduć prezidenty samaabvieščanych Abchazii i Paŭdniovaj Asiecii — hetyja respubliki pryznanyja Rasijaj jak suvierennyja dziaržavy, ale absalutnaja bolšaść krain śvietu ličać ich častkaj Hruzii. Čakajecca taksama člen kalektyŭnaha prezidyuma Bośnii i Hiercahaviny Miłarad Dodzik.
Na parad, jaki płanavałasia pravieści 9 maja, źbiralisia pryjechać istotna bolš zamiežnych lidaraŭ, u tym liku prezidenty Francyi, Čechii, Charvatyi. Parad, adnak, pieranieśli z-za epidemii karanavirusa, i mnohija zamiežnyja hości admovilisia ad vizitu. Lidary inšych dziaržaŭ, u tym liku prezident ZŠA Donald Tramp, admovilisia i ad pieršapačatkovaha zaprašeńnia na parad 9 maja.
Taksama raniej paviedamlałasia, što Łukašenka pajedzie na parad z tryma synami.