U centry Vilni, na Łukiškskaj płoščy siońnia adkryli štučny plaž Open Beach, piša Delfi.lt.
Delfi.lt
Jon zrobleny dla tych, chto nie zdoleŭ pajechać na mora, u tym liku ź dźviuch pryčyn: karancinnyja zachady i vialiki popyt na miescy na Bałtycy.
Na plažy na Łukiškach možna adpačyć paśla pracy, pazaharać, pačytać knihu. Tut jość navat valejbolnaja placoŭka, raspranalnia i miescy ź biaspłatnym internetam, skazana ŭ pres-relizie municypaliteta.
Plaž maje płošču 1660 kv. m i budzie dziejničać ŭsio leta. Da kanca lipienia pobač ź im budzie stajać vielizarny ekran, na jakim pa viečarach buduć pakazvać filmy, sieryjały, kancerty, a dniom — vidy z Bałtyjskaha mora.
Ideja plaža na Łukiškach paradavała nie ŭsich. U sacyjalnych sietkach iduć dyskusii, ci sapraŭdy heta narmalnaje miesca. Plaž znachodzicca pobač z Muziejem achviaraŭ hienacydu. Deputaty-kansiervatary vystupili z patrabavańniem spynić hetuju inicyjatyvu.
Taksama i dla Biełarusi heta miesca nie pusty huk. Na Łukišskaj płoščy ŭ 1864 hodzie paviesili nacyjanalnaha hieroja Biełarusi Kastusia Kalinoŭskaha.
