Sa słoŭ Pucina, biez pryniaćcia papraŭki, jakaja dazvalaje dziejnamu prezidentu znoŭ vyłučać svaju kandydaturu na vybarach, u Rasii «pačniecca ryskańnie vačyma ŭ pošukach mahčymych pierajemnikaŭ», paviedamlaje RBK.

Fota kremlin.ru

Fota kremlin.ru

Prezident Rasii Uładzimir Pucin nie vyklučyŭ, što budzie bałatavacca na pasadu kiraŭnika dziaržavy na novy termin, kali adpaviednaja papraŭka ŭ Kanstytucyju budzie pryniataja. Pra heta jon zajaviŭ u intervju dla filma «Rasija. Kreml. Pucin» na telekanale «Rasija 1».

«Ja nie vyklučaju mahčymaści bałatavacca, kali heta ŭźniknie ŭ Kanstytucyi. Pahladzim, tam vidać budzie», — skazaŭ jon. Pry hetym udakładniŭ, što «dla siabie jašče ničoha nie vyrašyŭ».

Pucin taksama padzialiŭsia svaim mierkavańniem z nahody papraŭki ab abnuleńni terminaŭ dla dziejnaha i byłych prezidentaŭ. «Kali hetaha nie budzie [pryniaćcia papraŭki], hady praz dva, ja viedaju heta z ułasnaha dośviedu, užo zamiest narmalnaj rytmičnaj pracy na vielmi mnohich uzroŭniach ułady pačniecca ryskańnie vačyma ŭ pošukach mahčymych pierajemnikaŭ», — rastłumačyŭ jon.

«Pracavać treba, a nie pierajemnikaŭ šukać», - dadaŭ Pucin.

Rašeńnie Pucina ab udziele ŭ nastupnych vybarach prezidenta budzie zaležać ad stanu suśvietnaj ekanomiki, nastupstvaŭ karanavirusu i raźvićcia rehijanalnych kanfliktaŭ, kazaŭ raniej jaho pres-sakratar Dźmitryj Piaskoŭ. U siaredzinie sakavika apytańnie daśledčaj kampanii «Instytut sacyjalnaha markietynhu» pakazała, što hatoŭnaść prahałasavać za jahonuju kandydaturu ŭ 2024 hodzie dapuścili 57% rasiejcaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0