Žurnalisty Alaksandra Dyńko i Andrej Rabčyk.
Vykanaŭca abaviazkaŭ prezydenta «Radyjo Svabodnaja Eŭropa»/«Radyjo Svaboda» Dejzi Syndełar vystupiła z admysłovaj zajavaj nakont zatrymańnia 19 červienia ŭ Miensku žurnalistaŭ biełaruskaj słužby «Svabody» Alaksandry Dyńko i Andreja Rabčyka.
«Milicyja staviłasia da našych žurnalistaŭ jak da złačyncaŭ, zatrymlivała ich, kali jany paviedamlali ŭ žyvym efiry pra padziei, źviazanyja z vybarami. Heta adbyvałasia ŭ toj čas, kali ministar infarmacyi pahražaŭ kiraŭniku biuro radyjo pazbavić jaho akredytacyi praz toje, jak biełaruskaja słužba aśviatlaje padziei» — havorycca ŭ zajavie kiraŭnicy RFE/RL.
«Heta naŭprostavyja napady na niezaležnuju presu i prava hramadzianaŭ Biełarusi atrymlivać infarmacyju pra važnyja padziei ŭ ich krainie. Jany vyklikajuć asablivuju tryvohu ŭ kantekście prezydenckich vybaraŭ u krainie 9 žniŭnia, i my asudžajem hetyja napady» — adznačaje ŭ svajoj zajavie Dejzi Syndełar.