Učora sieciva ablacieli kadry šturchaniny ŭ Maładziečnie, dzie haradžanie pasprabavali spynić sproby nieabhruntavanych zatrymańniaŭ minakoŭ AMAPam.
Čytajcie: U Maładziečnie ludzi vyrvali ŭ milicyi zatrymanaha demanstranta VIDEA
Hety momant z roznych rakursaŭ źniaty na videa. I na adnym ź videa vidać, što ŭ niejki momant u rukach adnaho z amapaŭcaŭ akazvajecca pistalet.
U sacsietkach vialisia sprečki, ci staviŭ milicyjanier pad pahrozu žyćcio ludziej? I što ž usio ž u rukach: bajavy pistalet, hazavy, traŭmatyčny?
«Naša Niva» skiravała hetaje pytańnie ŭ pres-słužbu MUS. My taksama paprasili patłumačyć, čamu supracoŭnik dastaŭ zbroju.
«Heta bajavy pistalet, — adkazała aficyjny pradstaŭnik MUS Volha Čamadanava. — Ale zbroju nie vykarystoŭvali i nie źbiralisia. Było tak: padčas zatrymańnia i vałtuźni kabura rasšpiliłasia, pistalet vyśliznuŭ ź jaje, amapaviec jaho padchapiŭ i adrazu viarnuŭ nazad».