Fota Vitala Palinieŭskaha
19 červienia, va ŭračystaść śviata Najśviaciejšaha Serca Isusa, mitrapalit Minska-Mahiloŭski arcybiskup Tadevuš Kandrusievič adpraviŭ imšu ŭ minskim kafiedralnym kaściole Najśviaciejšaha Imia Maryi, što na płoščy Svabody, piša catholic.by.
U pramoŭlenym słovie ijerarch zakranuŭ i siońniašniuju situacyju ŭ Biełarusi:
«My roznyja, što naturalna, i tamu majem roznyja mierkavańni adnosna tych samych prablem i pytańniaŭ. I ŭ siamji ŭsie roznyja, ale heta — adna siamja, i ŭsie kłapociacca adno pra adnaho, pra supolnaje dabro. Tak i ŭ hramadstvie my pierš za ŭsio pavinny kiravacca ahulnym dabrom hramadstva, a nie tolki prasoŭvańniem svajho imidžu.
«Tamu ŭ hety składany i navat niespakojny čas našaj historyi napiaredadni vybaraŭ usim palityčnym i hramadskim siłam nieabchodna pierš za ŭsio dumać pra ahulnaje dabro hramadstva i našu supolnuju budučyniu, kab jana budavałasia pieradusim na ŭzajemapavazie i lubovi da bližniaha, a składanyja pytańni vyrašalisia šlacham uzajemnaha dyjałohu»,— padkreśliŭ kiraŭnik biełaruskaha katalickaha jepiskapatu.
