Fota Nadziei Bužan
Kiraŭnik ruchu «Za svabodu» Juraś Hubarevič źniaŭsia z vybaraŭ. Da hetaha sud Pieršamajskaha rajona asudziŭ jaho na 15 sutak aryštu za pikiet pa zbory podpisaŭ na Kamaroŭcy 7 červienia.
— Ja zajaŭlaju ab vychadzie z prezidenckaj vybarčaj kampanii z-za taho, što adbyvajecca, — skazał TUT.BY Hubarevič.
Sudzili Hubareviča pa č. 3 art. 23.34 KaAP (Parušeńnie paradku arhanizacyi abo praviadzieńnia masavych mierapryjemstvaŭ). Pakul jon znachodzicca na voli.
«15 sutak za praviadzieńnie pikieta pa zbory podpisaŭ. Roŭna stolki admieryŭ mnie siońnia sud Pieršamajskaha rajona Minska. Pišu pra heta nie z kamiery na Akreścina tolki tamu, što pakinuŭ zału sudovaha pasiadžeńnia, nie čakajučy vyraku. Prysutnyja ŭ kalidory patencyjnyja kanvairy trochi ašaleli, ale ničoha nie mahli zrabić, bo farmalnaha rašeńnia na toj momant nie było», — paviedamiŭ siońnia Hubarevič u svaim fejsbuku.
Rašeńnie ab źniaćci z vybaraŭ było pradkazalnym: Hubarevič pieršapačatkova nie płanavaŭ źbirać 100 tysiač podpisaŭ dla rehistracyi kandydatam.
Nahadajem, za čas kampanii z vybaraŭ źnialisia jašče troje čałaviek: Aleh Hajdukievič, Natalla Kisiel i Aleś Tabolič.
