Pra heta havorycca ŭ zvarocie patencyjnaha kandydata ŭ prezidenty Viktara Babaryki, raspaŭsiudžanym jaho štabam. Ad učorašniaha dnia Viktar Babaryka i jaho syn Eduard, kiraŭnik jaho inicyjatyŭnaj hrupy, znachodziacca za kratami. Zapis byŭ zrobleny zahadzia.
«My abviaščajem zbor inicyjatyŭnaj hrupy dla praviadzieńnia respublikanskaha Refierendumu ab viartańni pieršapačatkovaj redakcyi Kanstytucyi Respubliki Biełaruś 1994 hoda, — zajaviŭ Viktar Babaryka.
— My prapanujem hramadzianam Biełarusi viarnuć sabie pačućcio ŭłasnaj hodnaści i pavahi, a taksama viarnuć prava samim vyrašać svoj los i los svajoj krainy.
My ŭpeŭnienyja, što Centralnaja kamisija zarehistruje Viktara Babaryku kandydatam u prezidenty Respubliki Biełaruś. Ale pačać vykonvać pieradvybarnyja abiacańni my chočam ciapier.
Što možna zrabić, kab nam dapamahčy? Stać siabram inicyjatyŭnaj hrupy pa praviadzieńni refierendumu, zapoŭniŭšy formu nižej.
«Na praciahu apošniaha miesiaca my kazali, što nieabchodna, jak tolki pryjdzie novaja ŭłada, mianiać kanstytucyjny paradak u Respublicy Biełaruś.
Paśla voś hetaha miesiaca ja chaču abviaścić novuju inicyjatyvu. I vielmi spadziajusia, što vy mianie ŭ hetym padtrymajecie. Ja prapanuju pravieści ahulnarespublikanski refierendum pa źmienie Kanstytucyi Respubliki Biełaruś. I pasprabavać jaje viarnuć, uziaŭšy za ŭzor Kanstytucyju 1994 hoda, dzie ŭžo było praduhledžana i abmiežavańnie prezidenckich terminaŭ, i padzieł ciapierašni našych troch halin ułady.
Ja absalutna ŭpeŭnieny, što raz my za adzin miesiac sabrali za 400 000, to ŭžo jak-niebudź za dva miesiacy my zmožam sabrać 450 000 ludziej, jakija hatovyja buduć, niezaležna ad taho, chto pieramoža 9 žniŭnia, zrabić svaju krainu takoj, jak jana pavinna być. Krainaj, u jakoj buduć spres adsutničać chamstva, u jakoj budzie pavaha adno da adnaho, i samaje hałoŭnaje — budzie pavaha da naroda».
Siabry, my z vami zmahli za miesiac sabrać bolš za 400 000 podpisaŭ i ŭstalavać novy rekord. Dla taho, kab vynieści na refierendum pytańnie pa źmienie Kanstytucyi, nam nieabchodna budzie sabrać za dva miesiacy 450 000 podpisaŭ. I my vierym, što heta mahčyma! My vierym u vas, siabry! Vierym u biełaruski narod!»
Babaryka sabraŭ 434 985 podpisaŭ, padadziena ŭ CVK 275 tysiač podpisaŭ.
