Pra heta havorycca ŭ zajavie pravaabarončych arhanizacyj.

18 červienia 2020 h. stała viadoma ab zatrymańni supracoŭnikami DFR KDK Respubliki Biełaruś Viktara Babaryki, jaki vyłučajecca ŭ kandydaty ŭ Prezidenty Respubliki Biełaruś a taksama kiraŭnika jahonaj inicyjatyŭnaj hrupy Eduarda Babaryki. Pavodle kiraŭnika KDK, V. Babaryka byŭ zatrymany ŭ suviazi z tym, što źjaŭlaŭsia niepasrednym arhanizataram supraćpraŭnaj dziejnaści, sprabavaŭ ŭździejničać na śviedkaŭ, schavać ślady raniej učynienych złačynstvaŭ. Paźniej stała viadoma, što Hienieralnaj prakuraturaj Respubliki Biełaruś była zaviedziena kryminalnaja sprava pa č. 2 i 3 art. 285 KK (stvareńnie złačynnaj arhanizacyi ci ŭdzieł u joj).

Pra padstavy dla zatrymańnia Eduarda Babaryki aficyjna nie paviedamlałasia. Na dadzieny momant viadoma, što Viktar i Eduard Babaryki znachodziacca ŭ SIZA KDB. Raniej byli zatrymanyja i ŭziatyja pad vartu siabry inicyjatyŭnaj hrupy Viktara Babaryki — Śviatłana Kuprejeva i Uładzimir Dudaraŭ.

Ich zatrymańnie stała praciaham chvali represij, jakija raspačalisia ŭ krainie z momantu abviaščeńnia parłamientam prezidenckaj vybarčaj kampanii. Za hety pieryjad sotni hramadzian padvierhlisia roznym vidam represij i pieraśledu: zvalnieńniam z pracy, administracyjnym aryštam i štrafam. Asabliva žorstkim represijam byli padvierhnutyja členy inicyjatyŭnych hrup pa vyłučeńni ŭ jakaści kandydataŭ u prezidenty Śviatłany Cichanoŭskaj i Viktara Babaryki.

Tak, kiraŭnik inicyjatyŭnaj hrupy S. Cichanoŭskaj, błohier Siarhiej Cichanoŭski i jašče 7 jahonych paplečnikaŭ byli ŭziatyja pad vartu ŭ miežach uzbudžanaj suprać ich kryminalnaj spravy pa art. 342 KK Respubliki Biełaruś (arhanizacyja hrupavych dziejańniaŭ, jakija hruba parušajuć hramadski paradak ci aktyŭny ŭdzieł u ich). Uličvajučy ŭsie akaličnaści dadzienaj kryminalnaj spravy, pravaabrončaja supolnaść Biełarusi pryznała ŭsich 8 čałaviek, uklučna ź Siarhiejem Cichanoŭskim, palityčnymi viaźniami. Sama Śviatłana Cichanoŭskaja zajaviła ab prahrozach kryminalnaha pieraśledu i adabrańnia ŭ jaje niepaŭnahadovych dziaciej.

Prezidenckaja kampanija adbyvajecca va ŭmovach zapałochvańnia hramadstva, pahrozaŭ i cisku. Dziejučy kiraŭnik dziaržavy asabista nieadnarazova pahražaŭ svaim palityčnym apanientam, u tym liku i Viktaru Babaryku.

Uličvajučy dadzienyja akaličnaści, my prychodzim da vysnovy, što realnymi padstavami kryminalnaha pieraśledu Viktara Babaryki i členaŭ jahonaj inicyjatyŭnaj hrupy źjaŭlucca palityčnyja matyvy, skiravanyja na spynieńnie jaho publičnaj dziejnaści pa vyłučeńni jaho ŭ jakaści kandydata ŭ Prezidenty Respubliki Biełaruś i dalejšym udziele ŭ vybarach.

Udzieł u kiravańni krainy praz praceduru pieryjadyčnych, svabodnych i demakratyčnych vybaraŭ źjaŭlajecca adnoj sa svabodaŭ, realiacyja jakoj harantavanaja hramadzianam Biełarusi jak Kanstytucyjaj, tak i mižnarožnymi normami ŭ halinie pravoŭ čałavieka, u pryvatnaści Mižnarodnym paktam ab hramadzianskich i palityčnych pravach.

Dziejnaść pravaachoŭnych, sudovych dy inšych dziaržaŭnych orhanaŭ, skiravanaja na pieraškody ŭ realizacyi hetaj svabody, a taksama pieraśled u suviazi z hetym, źjaŭlajecca nieprymalnym dla demakratyčnaha hramadstva.

Prademanstravanyja padychody śledčych orhanaŭ da raśledavańnia kryminalnaj spravy ŭ dačynieńni da patencyjnaha kandydata ŭ Prezidenty V. Babaryki i siabraŭ jaho inicyjatyŭnaj hrupy — parušeńnie prezumpcyi nievinavataści, hrubaje parušeńnie prava na abaronu dy inšyja — padkreślivajuć niepravavy charaktar dadzienych dziejańniaŭ.

Na padstavie hetaha, kirujučysia p. 2.1, 3.1 a) Kiraŭnictva pa vyznačeńni paniaćcia «palityčny źniavoleny», pryniataha na III Biełaruskim pravaabarončym forumie, my, pradstaŭniki biełaruskich pravaabrončych arhanizacyjaj, zajaŭlajem ab pryznańni Viktara Babaryki, Eduarda Babaryki, Śviatłany Kuprejevaj, Uładzimira Dudarava palityčnymi źniavolenymi i

patrabujem:

  • nieadkładnaha vyzvaleńnia V. Babaryki, E. Babaryki, S. Kuprejevaj i U. Dudarava z-pad varty;
  • zabiaśpiačeńnia V. Babaryku mahčymaści bieśpieraškodnaha ŭdziełu ŭ svabodnych i demakratyčnych vybarach, zasnavanych na pryncypach roŭnaj, kankurentnaj palityčnaj baraćby;
  • admovy ad vykarystańnia mietadaŭ kryminalnaha pieraśledu jak instrumientu cisku na ŭdzielnikaŭ vybarčaj kampanii;
  • nieadkładnaha spynieńnia represij u dačynieńni da hramadzian i niepasrednych udzielnikaŭ vybarčaha pracesu, a taksama vyzvaleńnia ŭsich palityčnych źniavolenych.

Pravaabarončy centr « Viasna»;

RPHA «Biełaruski Chielsinkski Kamitet»;

Centr pravavoj transfarmacyi Lawtrend;

RHA «Pravavaja inicyjatyva»;

Prostaje tavarystva «Inicyjatyva Forb»;

Inicyjatyŭnaja hrupa «Identyčnaść i prava»;

Kansultacyjny centr pa aktualnych mižnarodnych praktykach i ich implemientacyi ŭ pravie «Chjuman Kanstanta»;

Asambleja niaŭradavych demakratyčnych arhanizacyj;

Biełaruski dom pravoŭ čałavieka imia Barysa Zvozskava;

Zajava nie maje na mecie padtrymku palityčnaj pazicyi pieraličanych asob ci asoby jakaja vyłučajecca kandydatam u Prezidenty Respubliki Biełaruś.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?