Mahčymaść pahladzieć kino pad zornym niebam na parkoŭcy aŭtasałona «Geely Atłant-M Baravaja» ŭ minčan była ŭsiaho adna: uviečary 18 červienia tut sabralisia aŭtamabilisty, kab razam zładzić sapraŭdny kinasieans i adznačyć prychod na biełaruski rynak novaha kros-kupe Geely FY11. U viečarovym i načnym kinapakazach ahułam uziali ŭdzieł kala 120 mašyn.
Farmat imprezy z nazvaj «Kino i aŭto» padkazała sama abstanoŭka: praz pandemiju ludziam usio jašče nieabchodna zachoŭvać dystancyju, pry hetym z prychodam haračaha leta ŭsim, kaniečnie, užo chočacca bačycca, sustrakacca, hutaryć adno z adnym. Prahlad lohkaha filma na vielizarnym ekranie z sałonaŭ ułasnych aŭto — vydatnaja alternatyva pachodam u zvykłyja minčukam kinateatry.
Arhanizatary atrymali sotni zajavak ad minčukoŭ, jakija chacieli trapić na niezvyčajny kinapakaz. Litaralna za dva dni ŭsie miescy byli zabraniravany. Z hetaj pryčyny źjaviŭsia jašče i načny kinapakaz a 00.00, bo pieršapačatkova płanavaŭsia tolki viečarovy a 21-j hadzinie. Samaje niečakanaje, što na načny sieans zarehistravałasia jašče bolš ludziej, čym na viečarovy.
Na śpiecyjalnaj zonie «Aktyŭlizinh» hości kinasieansu mahli nie tolki abmierkavać, jak maksimalna prosta kupić aŭto ŭ lizinh, ale i vyjhrać padarunki.
Za dva sieansy parkoŭku na Baravoj naviedała kala 120 mašyn. Arhanizatary padkreślivali, što ich haściam musić być maksimalna kamfortna i biaśpiečna, tamu, kab nie dapuścić vialikaj kolkaści ludziej, patrapić siudy možna było tolki pa papiaredniaj rehistracyi.
«Nam navat pryjšłosia kamuści vietliva admović i prapanavać pieranieści sustreču na nastupny raz, bo my płanujem praciahvać takija sustrečy. Pry hetym nichto nie kryŭdziŭsia na našy admovy, usie pisali: «Dziakuj, što takoje robicie».
Pobač z parkoŭkaj kala aŭtasałona raźmiaściŭsia fudkort z chot-dohami, buryta, burhierami i, kaniečnie, papkornam. Darečy, šklanačka papkorna vydavałasia naviedvalnikam biaspłatna, jak i śpiecyjalnyja navušniki dla kamfortnaha prahladu filma.
Razam z mabilnym kinateatram VOKA arhanizatary vybrali francuzski film «1+1» pra dvuch zusim roznych ludziej, jakija, niahledziačy ni na što, navučylisia siabravać i padtrymlivać adzin adnaho. Heta tema, jakaja zaŭsiody budzie aktualnaja ŭ śviecie i asabliva ciapier — padčas pandemii.
Chtości pryjechaŭ na prahlad adzin, chtości parami, a chtości siemjami. Uvieś viečar na placoŭcy pracavała fotazona, a taksama pravodziŭsia konkurs, dzie adnym z pryzoŭ stała mahčymaść pravieści test-drajv novaha aŭtamabila ad Geely.
«Geely FY11 — heta novy premijalny kros-kupe krasovier. Takich aŭtamabilaŭ u Biełarusi ciapier tolki dva, i adzin ź ich znachodzicca ŭ «Geely Atłant-M Baravaja», — raspaviadaje Alona Klimajeva, kiraŭnik adździeła markietynhu aŭtacentra. — Luby moža pryjechać siudy i pravieści test-drajv. Heta novy ŭzrovień dla Geely. Aŭtamabil stvorany na płatformie Volvo i ŭtrymlivaje šmat sistem biaśpieki. U prodažy takija mašyny źjaviacca ŭ Biełarusi nie raniej za vosień, ale dakładnaj daty pakul niama».
Paśla ŭstupnaha słova arhanizataraŭ i padziaki haściam na ekranie źjavilisia pieršyja kadry filma. Hledačy ŭziali papkorn i napoi, vyklučyli fary na svaich mašynach i sieli hladzieć kino.
«Nasamreč biełarusy — sapraŭdnyja ramantyki, i nam byŭ nieabchodny načny kinasieans pad zornym niebam. Mienavita tamu siońnia tut sabrałasia stolki ludziej», — padsumavali arhanizatary.
