Razam z Bukmiekierskaj kantoraj Leon my praciahvajem aśviatlać čempijanat Biełarusi pa futbole.

Płanujecca, što na poli adnačasova buduć znachodzicca šeść futbalistaŭ ź biełaruskim pašpartam, adzin ź jakich budzie nie starejšy za 21 hod. Taksama, mahčyma, u kožnaha kłuba pavinny buduć źjavicca žanočyja junackija kamandy.

Uviadzieńnie «limitčykaŭ» naŭrad ci mocna dapamoža našamu futbołu. Taki krok źnizić matyvacyju maładych hulcoŭ, jakija buduć viedać, što jany buduć hulać niahledziačy na ich kankurentny ŭzrovień. 

Pahladzim, što z hetaha atrymajecca, a pakul vierniemsia da padziej biahučaha pieršynstva. Tut usio stanovicca bolš-mienš stabilna. Pa vynikach 13 tura na treci radok uskočyła bresckaje «Dynama», skinuŭšy z pjedestała apošniaha anderdoha.

BATE i «Šachcior» padzialili bały ŭ matčy, jaki skončyŭsia skandałam. Pierad tym, jak Dźmitryj Padstrełaŭ zraŭniaŭ lik 2:2, Julius Szokie ŭrezaŭsia ŭ bramnika barysaŭcaŭ.

Na poli razharelisia žarści, a paśla matča mašynu z sudździami atakavaŭ zaŭziatar BATE. Zaviedziena kryminalnaja sprava. A ŭ epizodzie sa Szokie ABFF pryznała sudziejskuju pamyłku.

Reakcyja hulcoŭ BATE na zaličany hoł. Fota: FK «Šachcior».

Reakcyja hulcoŭ BATE na zaličany hoł. Fota: FK «Šachcior».

Z astatnich matčaŭ varta adznačyć pieršuju doŭhačakanuju pieramohu «Biełšyny» — i nie nad aby-kim, a nad «Enierhietykam-BDU», a taksama razhrom u byłym «cukrovym derbi». «Haradzieja» skarystałasia pamyłkami «Słucka» i zabiła try miačy.

Voś vyniki matčaŭ 13 tura:

  • «Minsk» — «Isłač» 0:1 (55, Kamaroŭski (p))
  • «Haradzieja» — «Słuck» 3:0 (34, 51, Archipaŭ; 56, Paŭlučak)
  • «Nioman» — «Smalavičy» — 2:0 (68, Žukoŭski; 88, Jabłonski)
  • «Tarpieda-BiełAZ» — «Dynama-Brest» 0:2 (26, Łapcieŭ; 28, Kiślak)
  • «Dynama-Minsk» — «Słavija» 1:0 (36, Šykaŭka)
  • «Enierhietyk-BDU» — «Biełšyna» 0:1 (47, Koviel)
  • «Ruch» — «Viciebsk» 0:1 (10, Nikałajesku)
  • BATE — «Šachcior» 2:2 (61, Niachajčyk; 78, Skavyš — 8, Ivanavič; 81, Padstrełaŭ)

TURNIRNAJA TABLICA

Pierachodzim da matčaŭ, jakija adbuducca na hetym tydni.

«Słavija» — «Smalavičy»

«Smalavičy» paśla pieršaj pieramohi nie zmahli praciahnuć stanoŭčuju sieryju i znoŭ prajhrali ŭ Hrodnie. Ciapier padnačalenyja Brazieviča adpraŭlajucca ŭ vandroŭku na poŭdzień Biełarusi, kab pasprabavać pieramahčy ŭ «Słavii», u jakoj turnirnaje stanovišča lepšaje, ale prablem taksama chapaje.

Pra źmieny ŭ finansavym płanie sa «Smalavičaŭ» dahetul nie čuvać, i vykazvajucca dumki, što letam kamandu pakinuć šmatlikija hulcy. Tamu naŭrad ci ŭ Mazyry ŭ haściej budzie vialikaja matyvacyja.

Prahnoz «NN»: «Słavija» pieramoža.

«Słuck» — «Nioman»

U «Słucka» taksama ŭsio kiepska. 2 punkty z 18 mahčymych u apošnich šaści turach i krutoje pikie ŭ druhuju pałovu tablicy. Zamiežniki raźbiehlisia hladzieć svaje čempijanaty, hrošaj taksama nie źjaviłasia. 

«Nioman» vyjhraŭ čatyry matčy zapar i ŭžo na šostym miescy. Lubyja sieryi musiać kaliści skančacca, ale, zdajecca, nie na hety raz — hrodziency praciahnuć pieramahać, a słuččaki znoŭ nie pieramohuć.

Prahnoz «NN»: «Nioman» pieramoža.

«Isłač» — «Tarpieda-BiełAZ»

«Isłač», zdajecca, pierajšła z čornaj pałasy na biełuju: paśla troch paraz «vaŭki» nabrali čatyry z šaści bałaŭ u apošnich dvuch turach, a Vital Žukoŭski ŭžo nie kaža pra adstaŭku.

Fota: FK «Isłač».

Fota: FK «Isłač».

Žodzincy prajhrali pramym kankurentam z Bresta i apuścilisia na piaty radok. Ale dziakujučy tamu, što BATE taksama nie vyjhraje, žodzincy nie tak daloka adsunulisia ad viaršyni. 

Prahnoz «NN»: totał, mienšy za 2.5.

«Dynama-Brest» — «Haradzieja»

Čempijony nabirajuć čempijonski chod: «Dynama» vyjhrała try apošnija hulni i ŭžo na trecim radku. «Šachcior» na dystancyi adnoj pieramohi, BATE — za piać bałaŭ.

Jość vielmi dobraja mahčymaść praciahnuć honku za čempijonstva — «Haradzieja» vydała jarki matč suprać «Słucka», ale paŭtaryć cud z matyvavanym i macniejšym supiernikam naŭrad ci atrymajecca.

Prahnoz «NN»: pieramoha «Dynama».

«Dynama-Minsk» — «Enierhietyk-BDU»

«Dynama» krychu niaŭpeŭniena, ale padymajecca ŭharu. U apošnich piaci turach kamanda Kučuka nabrała 10 bałaŭ i padniałasia z 13-ha na siomy radok. Napieradzie hulnia z supiernikam, jaki znachodzicca vyšej u tablicy, ale ŭ vypadku pieramohi «bieła-sinija» abhoniać «studentaŭ».

Jaŭhien Šykaŭka (sprava) prynios pieramohu «Dynama» ŭ hulni sa «Słavijaj». Fota: FK «Dynama-Minsk».

Jaŭhien Šykaŭka (sprava) prynios pieramohu «Dynama» ŭ hulni sa «Słavijaj». Fota: FK «Dynama-Minsk».

U «Enierhietyka» nazirajecca spad: kamanda nie vyjhraje voś užo try hulni, a apošni matč naohuł prajhrany aŭtsajdaru. Cikava, što prydumajuć Jurevič i Bialaŭski, kab vyratavać stanovišča.

Prahnoz «NN»: totał, mienšy za 2.5.

«Biełšyna» — BATE

Pieršaja hulnia babrujčan i barysaŭcaŭ z 2016 hoda. «Biełšyna» narešcie pieramahła, mahčyma, heta krychu raźniavolić hulcoŭ, i my jašče pabačym vyratavańnie kamandy z Babrujska. Tym bolš ź finansami, zdajecca, u kamandy ŭsio ŭ paradku.

BATE nie vyjhraŭ u apošnich dvuch turach, a pieramohu ŭ matčy z «Šachcioram» u kamandy adabrała sudziejskaja pamyłka, tamu «žoŭta-sinija» pryjeduć u Babrujska vielmi razzłavanyja.

Prahnoz «NN»: pieramoha BATE.

«Viciebsk» — «Minsk»

Paśla piaci ničyich «Viciebsk», narešcie, zmoh pieramahčy. Pieramožnym akazaŭsia daloki vyjezd u Brest da «Rucha». Ciapier kamanda Jasinskaha čakaje ŭ hości «Minsk», kab praciahnuć raźvić svaju sieryju.

«Minsk» pakul znachodzicca na «stykavym» 14-m miescy, ale ŭ kamandy Razina na dźvie hulni mienš za kankurentaŭ. Jość mahčymaść usio nahnać, ale rassłablacca nie varta.

Prahnoz «NN»: pieramoha «Viciebska».

«Šachcior» — «Ruch»

Pieršaja ŭ historyi sustreča «harniakoŭ» z «Rucham». Salihorcy zmahli vyratavać ničyju ŭ hulni ŭ Barysavie, ale prapuścili za adzin matč amal stolki ž, kolki za papiarednija tury.

Fota: FK «Šachcior».

Fota: FK «Šachcior».

Ale naŭrad ci ŭ «Rucha» atrymajecca zabić stolki ž, kolki BATE. I zabić naohuł. Tamu prahnoz tut zrazumieły.

Prahnoz «NN»: pieramoha «Šachciora».

U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.

Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?